مش هيقفل في وشك الباب أبداً

[walaa farouk]

من أكتر المشاهد اللي بتآثر فيا في الكتاب المقدس " السامرية" وبقف قدام القصة وبقول" يا ترى إيه اللي حصل فجأة خلاها اتغيرت كده وبدل ما كانت مكسوفة من اللي بتعمله ابتدت تقول للناس تعالوا شوفوا واحد قالي كل اللي أنا عملته قبل كده! مش بس اتغيرت لكن بقت بتنادي بتغيير حقيقي حصل لها، السر ورا الموضوع ده كله إنه المسيح كان عارفها وقابِلها زي ماهيَّ، كانت محتاجة حد يفهمها ويحبها وميلومهاش ولا يدوس على وجعها، وده اللي عمله المسيح بالظبط معاها!
ولما بقيس ده على حياتي بشوف نفسي اترفضت كتير وممكن أكون اتهانت كتير بسبب حاجات أنا كنت بعملها، وطبعاً قلت طالما الناس مش قابلاني أكيد ربنا مش هيحب أصلاً يبُصلي! بس مع الوقت اكتشفت العكس تماماً كتير بترفض من ناس، لكن ولا مرة ربنا رفضني، على طول قابلني وبيحبني، ممكن يكون الكلام ده جديد عليك أو ممكن يكون صعب تصدقه، لكن هي دي الحقيقة اللي حصلت معايا، أحب أقولك، الله قابلك بكل اللي فيك مش علشان أنت كويس، لكن علشان هو بيحبك.. لو جربت فعلاً تروحله مش هيقفل في وشك الباب أبداً

[نرمين واصف]

ربنا يبارك فيكي وفي خدمتك ولاء

[shery jesus]

امييبببين ..تعالى يارب وافتقدنى وغير حياتى ..ربنا يبارك خدمتك يا لولو

[Mary Naeem]

لو جربت فعلاً تروحله مش هيقفل في وشك الباب أبداً
ربنا يبارك حياتك

[walaa farouk]

ميرسى على مروركم الغالى