_ متفترقوش .. متسبوش ايد بعض

[walaa farouk]

_ متفترقوش .. متسبوش ايد بعض بعد وعود وعِشرة ومواقف بقالها سنين ، اتخانقوا قد ما تتخانقوا بهدلوا بعض بينكم وبين بعضكم ، وصالحوا بعض ف نفس اليوم ، اتفقوا مع بعض وخدوا ع نفسكم عهد انكم لما تزعلوا كل شخص فيكم يفتكر للتاني احلي موقف عاشوا معاه وتتردد صوت ضحكته ف خياله ويسمعها كأنه قدامه ، واللي يبدأ ف الصلح الاول التاني يعزمه ع خروجه او اكله بيحبها ، الموضوع لذيذ ومبهج وكله نور ومع الوقت هتتعودوا عليه ومعاه هتتعودوا انكم من بعض متزعلوش .
_ العلاقه اللي فيها شخص بيخاف عليك بيعاتبك ولما يزعل منك ييجي يقولك انت عملت وعملت احسن الف مره من العلاقه اللى فيها شخص ما بيصدق انكم تتخانقوا عشان يقعد كام يوم ميكلمكش ، امسكوا ف بعض بكل الخيوط والذكريات والضحك والتفاهات ووقت الحزن والشدة والجدعنه والصدق والصراحه اتمسكوا ببعض متفرطوش ف العلاقه دي انتوا اسباب ف حياة بعض ، وربنا اللى مسببها عشان تكملوا الناقص فيكم بالزايد ف حياة الشخص التاني ، سواء علاقه عاطفيه ، صداقه ، عائليه او حتي علاقتك بربنا اتمسك بيها .

[marit jesus]

ربنا يبارك تعب محبتك

[Mary Naeem]

سواء علاقه عاطفيه ، صداقه ، عائليه او حتي علاقتك بربنا اتمسك بيها

ربنا يبارك حياتك

[walaa farouk]

ميرسى على مروركم الغالى

[souad jaalouk]

[walaa farouk]

ميرسى على مرورك الغالى