غاوية يا نفسي تعب طاب ليه بتجري عليه

[نرمين واصف]

غاوية يا نفسي تعب طاب ليه بتجري عليه
قلبي ارتجف وارتعب حتي من نظرة عنيه
يااااااه للدرجة دي
فهمتي ايه من العدو وشوشك عنه وقالك ايه
حبيبك بينادي وانتي بتقسي قلبك ليه
هو انتي لحقتي تعرفيه
عرفتي ايه وانتي لسة رضيعة في حبه
عرفتي ايه؟
مشيتي قبل ما يضمك لحضنه وجريتي علي ايه

غاوية تعب وكأنك بتدوري عليه
غاوية تعب في طريق ما بتعرفيه

بتدوري ع الحنان من كل حد بتقابليه

مافيش غيره هيعوضك عن الحب اللي انتي بتدوري عليه

مستنية ايه
سبتي نفسك لعبة في ايد عدوك وبيملي عقلك بالاوهام
اكبر وهم انه يزرع فيكي الرضا عن ذاتك جوة ألام
الرضا عن حالك في سكات وبدون كلام
بيستدرج الضعف اللي فيكي ضدك سهام
فوقي وارجع ي لحبيبك قبل فوات الاوان
جربتي تنادي عليه كتير بتلاقيه يحضر قوام
دايما صوته عالي ومسموع في كل مكان
نادي عليه صوته اعلي من عدوك مهما ان كان
بيكسر مجداف العدو وسوطه اصل حبيبك رئيس السلام
ارتمي في حضنه ومتصدقيش الاعداء انه مش اسمع ليكي
من الفين سنة جه اتألم علشان يفديكي
كل ما تخطي بعيد عنه شوية شوفي عينيه بتبكي عليكي
اما العدو كل ماتقربي من طريق الحيرة فرحان فيكي
عامل مصيدة من الاشرار محوطاها نار لو قربتي منها تكويكي



لا لا لا

مش مكاني الموت والنار انا مكاني في اراضيك
يا ترجع ليا ياحبيبي ياتساعدني ارجع ليك
انا مش قادر ابعد عنك قراري اني اجري عليك
مهما ان كان في طريقي اشواك معاك هعديه
وهعدي المرة وكفاية اني عنيا ناظرة لعنيك


لا لا لا

مش هفضل هنا مكاني بصرخ بكتمان وسكوت
عايش قلبي بارد متخدر بشوية حاجات ضايعة
انا هصرخ ليك وانادي اسمع انيني بعلو الصوت
مش هتفضل نفسي بتشتري المر ولحلاوتك بايعة


لالالا وكم الف ومليون لا متكفيش مللي من هروبي منك
والمفروض اني اهرب لحياتي جوة قلبك جوة حضنك
ارجوك ساعدني اجري عليك و اقرب منك
انا عصفور محتاج يطير بس مربوط
فك نفسي فك قلبي فك اربطة القيود
انا جايلك عشمي تقبلني وعلي تعزيتك انا مسنود

انا هفضل اجري مش مستني ادي وعود ويا عهود



انا جايلك واثق مترجي انك دايما معا يا موجود

[walaa farouk]

انا جايلك واثق مترجي انك دايما معا يا موجود

كلمات جميلة جدا
ربنا يفرح قلبك نيرمين

[نرمين واصف]

شكرا ولاء ربنا يفرحك حبيبتي

[Mary Naeem]

انا جايلك عشمي تقبلني وعلي تعزيتك انا مسنود

انا هفضل اجري مش مستني ادي وعود ويا عهود



انا جايلك واثق مترجي انك دايما معا يا موجود

رووووووووووعة حببتي
ربنا يفرح قلبك

[نرمين واصف]

شكرا ماري حبيبتي ربنا يبارك خدمتك