|
 |
 |
 |
|
رقم المشاركة : ( 1 )
12 - 07 - 2017, 09:45 PM
|
|||||||||||
|
|||||||||||
|
( أسئلة منطقية جدا ) (١) إشمعني اخترت بطرس ويعقوب ويوحنا بس يدخلوا معاك بيت يايرس ( مر ٣٧:٥) ويشوفوك وانت بتقوم البنت من الموت ؟ ايه المشكلة لو كنّا كلنا دخلنا معاك ؟ وليه بتميزهم عننا ؟ (٢) برضه علي جبل التجلي أخذتهم هما الثلاثة بس ليه ؟ ( مت١:١٧) دا إحنا كان أمل حياتنا نشوف موسي وإيليا !! وإتضايقنا جدا لما عرفنا أنهم سمعوا صوت الآب وإحنا لأ !! ليه دايما بتفضلهم عننا كلنا ؟ هما أحسن مننا في إيه ؟ (٣) وكمان لما جيت تتكلم عن نهاية العالم كان معاك بس الثلاثة برضه ومعاهم إندراوس ( مر ٣:١٣ ) يعني حتي اللي أخذته كان أخو بطرس !! كويس خالص اتنين اخوات بطرس واندراوس واتنين اخوات يعقوب ويوحنا ...فين إحنا؟ كوسة دي ولا إيه ؟ (٤) فاكر لما جيت تعمل الفصح بعت بطرس ويوحنا بس يشتروا الأكل ( لو ٨:٢٢ )مع انهم بتوع سمك مش بتوع مشتروات كمان دي فيها مواهب ؟!! مش واخد بالك ان الكلام كتر بين الناس في الموضوع ده ؟! (٥) وزادت وغطت لما جيت تصلي في بستان جثسيماني برضه أخذتهم هما التلاته بس ليه ؟! ( مت٣٧:٢٦ ) هما يعني اكثر روحانية مننا ؟ اهم سابوك وناموا فيه تمييز للدرجة دي ؟!! (٦) فاكر لما قمت من الأموات ظهرت لبطرس لوحده وليعقوب لوحده واحنا ظهرت لينا مره واحدة ( ١كو١٥ : ٧،٥ )هل إحنا أقل منهم ؟! (٧) فاكر لما قلت لبطرس قبل الصليب " «سِمْعَانُ، سِمْعَانُ، هُوَذَا الشَّيْطَانُ طَلَبَكُمْ لِكَيْ يُغَرْبِلَكُمْ كَالْحِنْطَةِ! وَلكِنِّي طَلَبْتُ مِنْ أَجْلِكَ لِكَيْ لاَ يَفْنَى إِيمَانُكَ. وَأَنْتَ مَتَى رَجَعْتَ ثَبِّتْ إِخْوَتَكَ» ( لو ٣١:٢٢ ) هو ده اللي هايثبت إيماننا ؟!!! ايه رأيك أنه هو الوحيد اللي انكرك !! (٨) مش عاوزين نكلم علي اختيارك ليوحنا وأن أمنا العذراء راحت تعيش عنده ( يو ٢٦:١٩ ) رغم انه أصغر واحد فينا ومعندهوش خبرة !! ليه ماإخترتش حد أكبر يهتم بيها أفضل ؟ (٩) لكن يوحنا ده اللي واخد إهتمامك كله والوحيد اللي بيتكأ علي صدرك ( يو ٢٠:٢١ ) وممكن يسألك لدرجة ان إحنا افتكرنا ان ده التلميذ الوحيد اللي بتحبه !!!! وفيه ناس فكرت تسيب الخدمة لولا متي العشار كتر خيره راح لهم وأقنعهم محدش يسيب الخدمة مهما كان (١٠) كله كوم ويهوذا ده كوم تاني من أول سنة وهو بيسرق من الصندوق ( يو ٦:١٢ ) ناس كتير بتقول : مالقتوش غير ده اللي يمسك الصندوق !!! ورشحوا ليك متي لأنه أصلا مأمور ضرائب ( مت ٩:٩ ) أو فيُلبَس لأنه بيعرف في الحسابات ( يو ٧:٦ )لكن فضل برضه هو اللي ماسك الصندوق وناس قالولك أنهم شافوه بياخد فلوس من الناس في معجزة إشباع الجموع وهو بيوزع الأكل وبيقولوا أنه مابيعملش حاجة إلا بالفلوس دا غير اللي أخده من الناس اللي اتعملتلهم معجزات قلنا هاتشيله بعد أول سنة لكن فضلت محتفظ بيه لآخر وقت قلنا لبطرس عمل من بنها !! خليت الناس تتكلم بطريقة وحشة علي خدمتك !!! إمضاء : باقي التلاميذ ( طبعا آبائنا الرسل الأطهار عمرهم مافكروا بالطريقة دي لكن أخشي إنها تكون طريقة تفكيرنا هذه الأيام ) 
|
|
13 - 07 - 2017, 01:20 PM
|
رقم المشاركة : ( 2 ) | ||||
|
† Admin Woman †
|
رد: أسئلة خدام الظهور
قلنا لبطرس عمل من بنها !!
خليت الناس تتكلم بطريقة وحشة علي خدمتك !!! |
||||
|
|
|
13 - 07 - 2017, 09:05 PM
|
رقم المشاركة : ( 3 ) | ||||
|
..::| الإدارة العامة |::..
|
رد: أسئلة خدام الظهور
ميرسى على مرورك الغالى مرمر  |
||||
|
|
 |
|
العرض العادي
