لكل الثانوية العامة.....
خلينا نعتبرها صلوة بنفكر نفسنا.. وربنا مجازا بوعوده وبحقيقة علاقتنا معاه
بابا يسوع... بشكرك علشان انت معايا وحواليا... سندي وضهري... بتعمل الكويس علشاني وأنه ميهمكش اي حاجة غير اني اكون معاك بعد مااموت علشان اعيش 😃بشكرك لأنك صالح.... حلو😍.... مهم عندي واني مهم جدا عندك.... بص يارب علشان انت مينفعش يتضحك عليك انا متأكد وانت عارف اكتر مني كام مرة قصرت... كام مرة نمت من غير ماخلص اللي ورايا.... كام مرة أهملت وكسلت وطنشت... كام يوم قضيته من غير ما ابص علي يوم زي بكرة... بس بردو انت عارف كام مرة عيطت قدامك وطلبتك تساعدني... انت شاهد أن السنادي عن كل سنة قد ايه قربت منك وحبيتك وعرفتك في الزنقة... اختبرت انك"راجل"في مساعدتك وعونك.. شوفت غلاوتي عندك.... كام مرة سترت عليا وانا مش مذاكر😞.. علي قد الامتحانات ماهي كانت صعبة يارب لكن دوقت سندتك في كل حرف كتبته.... انا عارف كان ممكن احل اوحش من كده.. غيري محلش خالص... وكام امتحان كنت هسيبه وأخرج وانت شجعتني اني أكمله.. بشكرك لأن رحلتي فيها كانت معاك.. كل يوم قلقت وانت ريحتني.. كام مرة نمت معيط و خايف وانت طبطبت عليا... كام مرة بعدم إيمان توقعت اني هجيب مجموع قليل أو أقل من الكليه اللي عاوزها بنص درجة💔... اتخيلت قهرتي وحزني اكتر مما
تخيلت عملك الرائع...💗 دلوقتي بقي بايمان.. انا عارف انك هتعمل حاجة حلوة.. برجوك كمل الناقص مني وداري خيبتي في قوتك علشان خاطر بس اسمك اللي انا شايله... خليني امجده واعليه اكتر ما هو عالي.. اديني إيمان ورجاء فيك وفي حبك.. اديني حسب غناك في المجد والجود انت وعدت بنورك في ضلمة الانتظار واليأس.😫. شق بحر سوء ظني وارحم نفسي.عندي إيمان انك تهد أسوار أريحا اللي يمكن اكون بنيتها بدماغي وتفكيري البائس... . 🙌اعمل الحلو.. اللي انا محتاجه مش اللي انا عاوزه... وليك الكلمة الأولي والأخيرة.. يامن أثق فيه أكثر من نفسي.. رحلة نجاحي معاك يكللها هديتك ليا بكرة ☺واثق انك معايا
11 - 07 - 2017, 09:17 AM
رد: لكل الثانوية العامة.....
العرض العادي
