|
 |
 |
 |
|
رقم المشاركة : ( 1 )
03 - 07 - 2017, 01:02 AM
|
|||||||||||
|
|||||||||||
|
هى لحظة! لحظة بتعرف فيها إن فيه جزء منك مابقاش شبه ما كان. مش بحزن أو بضيق.. "باختلاف" وبمنتهى التصالح معاه. بتقوىٰ، وبتلاقي ان في اللحظة دي بالظبط مابقتش بتتكسر بالساهل من اللي كنت لسه قبلها بدقيقة بتطلّع قلبك من البُكا عليه. بتحس إنك بقيت خارج المشهد.. شخص محايد. غالباً قبلها، بتبقى بتعيش لحظة من الضعف الكامل.. لحظة خروج كل بواقي المشاعر اللي قررت تطلق سراحك وتسيبك حُر. بيبقى فيه خانة كده اتسدّت، للأبد! لحظات أشبه بنقط آخر السطر في حياتنا. والسطر اللي بعدها.. قد يكون أحسن أو للأسف أسوأ بكتير. الناس اللي بتتظلم بشدة، بتعافر كتير، بتعيط، بتنهار، وبعدين بيتداس عليهم قوي فبيقوموا وهما مبطلين يحسوا بأى حاجة. في اللحظة دي.. بيكونوا اتبدلّوا! الناس اللي عاشت طيبة وعطّاءة أوي، بتيجي على نفسها عشان كل اللي بيحبوهم، يُستغلوا ويرضوا بقليلهم، يقرّبوا مهما اتبعد عنهم.. لحد ما في لحظة هيزهدوا! هيجمدوا وفي اللحظة دي.. بيكونوا اتبدلوا. الصحاب والعلاقات بشكل عام اللي دايماً بيحاول فيها طرف واحد، من غير أى جهد من التاني.. في لحظة هييأس والعلاقة كلها هتروح للهاوية. بس الطرف اللي كان بيحاول عمره ما هيحاول مع حد تاني. في اللحظة دي، هيكون اتبدل. كل اللحظات اللي بتعلّم دي عامةً، كل المحطات اللي بتعلّمنا وبنطلع منها ناس تانية، رغم قسوتها بتكون هى إختصاراً.. الحياة. اللي حاولت تعلّمنا باللين، واضطرت في لحظة تخبطنا جامد عشان نفوق، نتعلّم، ونصلب. رغم أنها مُسلّمات، ورغم ان كلنا هنعيش لازم لحظات شبهها، حاول ماتبقاش انت جزء من لحظات صعبة أوي زى دي. ماتبقاش انت بطلها. وسبب دفن أى حاجة كويسة، كانت جوه حد.. صدّق بسببك انها لازم تموت، عشان هو يقدر يعيش! 
|
|
03 - 07 - 2017, 09:59 AM
|
رقم المشاركة : ( 2 ) | ||||
|
† Admin Woman †
|
رد: هى لحظة
صدّق بسببك انها لازم تموت، عشان هو يقدر يعيش
ربنا يفرح قلبك |
||||
|
|
|
03 - 07 - 2017, 10:27 PM
|
رقم المشاركة : ( 3 ) | ||||
|
..::| الإدارة العامة |::..
|
رد: هى لحظة
ميرسى على مرورك الغالى  |
||||
|
|
 |
|
العرض العادي
