لو كنت مكانهم هتعمل ايه

[walaa farouk]

رد فعلك ايه لو اتحطيت في نفس الموقف بتاعهم ده!!

لو خيروك ما بين انك تموت علشان المسيح أو تنكر إلهك وتعيش، رد فعلك هيكون ايه؟ وقبل ما تجاوب على السؤال ده فكر كويس اوي!!

السؤال ده بقى منتشر بطريقة غريبة اليومين دول طبعاً بسبب الأحداث، وفي أراء مختلفة، في ناس بتقول مستحيل أنكر، وناس جواها بتفكر وتقول لو أنكرت ربنا هيسامحني علشان ده كان غصب عني، بس الحقيقة أن محدش يقدر يقول في الموقف هنكر أو مش هنكر لأن بتكون في أبعاد كتير ومشاعر كتير متلغبطة في الموقف نفسه.

اللي أكيد وربنا قاله “فكل من يعترف بي قدام الناس أعترف أنا أيضا به قدام أبي الذي في السماوات، ولكن من ينكرني قدام الناس أنكره أنا أيضا قدام أبي الذي في السماوات.“(مَتَّى ١٠: ٣٢_٣٣) طبعاً هو عارف قدراتنا علشان كده طمنّا قلبها وقال ماتخفوش من اللي بيقتلوا الجسد وأن الله بيهتم بينا، بس ياترى هنقدر مانخفش ومش هننكره؟؟

لا يجربنا فوق ما نستطيع!

أكيد الله مش هيسمح أننا نتحط في موقف هو عارف أننا مانقدرش عليه، لأن الكتاب المقدس بيشهد ان الله ” لا يجربنا فوق ما نستطيع ” وكمان هو في الموقف الصعب بيقوي إيماننا وبيدينا قوة وقدرة نثبت في وسط الموقف ونعدي بعديه كمان عمرنا ما كنا نتخيل أنها هتكون عندنا في يوم من الأيام مواق زي دي بتحصل دايماً كنا نسمع عنها من بعيد، لو حاسس أنك معندكش قدرة، أطلب منه قوة هو اللي وعد علشان كده ثق فيه وكمل وأطلب منه ثبات فيه أكتر وقوة إيمان أكتر وأوعى في يوم إيمانك يخور أو تفكر وتقول هنكره وارجع أتوب بعدها، ولو ربنا سمح واتحطيت في الموقف ده صدقني هو “يُعْطِي ٱلْمُعْيِيَ قُدْرَةً، وَلِعَدِيمِ ٱلْقُوَّةِ يُكَثِّرُ شِدَّةً.”(إِشَعْيَاءَ ٤٠: ٢٩)

[Mary Naeem]

أكيد الله مش هيسمح أننا نتحط في موقف هو عارف أننا مانقدرش عليه، لأن الكتاب المقدس بيشهد ان الله ” لا يجربنا فوق ما نستطيع ”

ربنا يبارك حياتك

[walaa farouk]

ميرسي كتير على مرورك الغالى مرمر