|
 |
 |
 |
|
رقم المشاركة : ( 1 )
30 - 05 - 2017, 09:45 PM
|
|||||||||||
|
|||||||||||
 في حصة الرسم كان المدرس بيجيب لكل واحد علبة مليانه جميع الألوان علشان تساعدنا في رسم اللوحة اللي عايزين نرسمها الألوان كانت تحفة جدا لدرجة حاولت اسأل عليها في اكتر من مكان علشان اشتريهاوتبقي بتاعتي لكن مكنتش بلاقيها .. علبة مليانه جميع درجات الألوان كنت ببقي فرحان اوي وهو بيوزع علينا الألوان دي وبزعل جدا لما بيرجع ياخدها تاني في مرة قولتله يامستر بعد اذنك طالما بتاخد الألوان من تاني ليه اديتهالنا .. ماتخلي كل واحد يجيب الوانه معاه وخلاص ونرسم براحتها وناخدها واحنا مروحين ضحك وقال علشان الألوان اللي في بيتك مش بكل الدرجات دي .. العلبة دي فيها الوان انا مركبها بنفسي مش هتعرف تلاقيها في اي مكان تاني وبعدين اللون اللي بتخلص شغلك بيه هتحتاجه تاني في ايه ؟؟ كل حاجه حلوة مريت بيها في حياتك كانت من ربنا بهدف ان ريشتها تمر في مكان معين تديله لون معين وطعم معين .. فرحة كده ميركبهاش غير ربنا .. هو وحده اللي معاه التركيبة بتاعتها أوعي في حياتك تزعل علي علبة الألوان اللي خدها منك .. لأن ربنا ميهمهوش الألوان قد مايهمه اللوحة النهائية عرفت ليه بقي ربنا بياخد مننا حاجات حلوة سمح بيها من البداية !! علشان لولا خطوط الوانها مكنتش اللوحة هتبقي لوحة بإختصار .. كلنا ألوان في حياة بعض #كلنا_الوان_في_حياة_بعض مايكل سامي 
|
|
31 - 05 - 2017, 12:29 PM
|
رقم المشاركة : ( 2 ) | ||||
|
† Admin Woman †
|
رد: كلنا الوان في حياة بعض
عرفت ليه بقي ربنا بياخد مننا حاجات حلوة سمح بيها من البداية !! علشان لولا خطوط الوانها مكنتش اللوحة هتبقي لوحة بإختصار .. كلنا ألوان في حياة بعض ربنا يفرح قلبك |
||||
|
|
|
01 - 06 - 2017, 01:08 PM
|
رقم المشاركة : ( 4 ) | ||||
|
..::| الإدارة العامة |::..
|
رد: كلنا الوان في حياة بعض
ميرسى كتير على مروركم الغالى  |
||||
|
|
 |
|
العرض العادي
