|
 |
 |
 |
|
رقم المشاركة : ( 1 )
23 - 05 - 2017, 08:46 PM
|
|||||||||||
|
|||||||||||
|
*نعاقب الأطفال أزاى؟؟  **التجاهل** **اكبر من سنتين:- -أبنك بيزعق ويصرخ عشان تعمليله حاجة دة علاجه التجاهل عشان ما تبقاش دى طريقته اللى بيضغط بيها عليكى عشان تنفذى طلباته حيفهم أن اللى بيعمله دة مالهوش فايدة التجاهل برضه علاج الطفل اللى بيحرجك لما يبقى فيه حد غريب ويطلب حاجات مش توقيتها حلويات بس دة مش الوقت المخصص عنده للحاجات دى ويحرجك أتجاهليه وماتخليش الناس دى تضغط عليكى أو تشتريله طلبه بس متهزقيهوش قدام الناس الغريبة ... العيل الزنان اللى بيعيط لحد لما يأخد اللى هوا عاوزه احنا قلنا حله التجاهل لحد لما يخلص الشو اللى هوا بيعمله ونصر على التجاهل دة لحد ما يعرف ان اللى بيعمله دة مالهوش فايدة حيبطل اللى بيعمله بس واحنا بنتكلم على العقاب قلنا انه مش بيتعاقب الطفل قبل سنتين ولا حتى وسيلة التجاهل دى مش حتجيب مع طفل اقل من سنتين نتيجة .... "" أول سنتين حنية وبعدين تربية " فالعيل أقل من سنتين وعنيد وبيعيط عشان يأخد الحاجة لحد ما يقطع النفس ويزرق لو اتجاهلتيه مش حيطاوعك طاوعيه انتى طالما مش حيأذى نفسه بالحاجة اللى حيعملها مش عاوز يحط ايده فكبس الكهرباء تسيبيه والا حتخسرى المعركة دى لو قلتى نشوف كلام مين اللى حيمشى حتمشى كلامها هيا او هوا وحيبقى شكلك وحش المفروض ايه يتعمل <<ان جالك الغصب اعمليه بجميلة>> متحسسيهاش ان اللى عاوزاه مثلا بتعمله لا انك عملتى دة عشان تكمل اكلها عشان هيا سمعت كلامك فحاجة بس الموضوع مايمرش مرور الكرام لو الطفل اكبر من سنة تمسكى ايده بقوة كدة وحطى عينه فعينك وقوليله كدة غلط كدة غلط كدة غلط وبرقى كدة حتعلم معاه مش حيكررها وتبعتى رسالة واضحة ان دة غلط وماتكمليش خناق ساعات الام تبقى عنيدة وكرامتها تنقح عليها ازاى الولد المفعوص دة او البت المفعوصة دى هتمشى كلامها عليا معلش حيعقلوا بعدين ماتخافيش اول سنتين كبرى دماغك مدام مش حيأذوا نفسهم  **طريقة النوتى شير** -نخصص كرسى بعيد عن لعب الطفل والتليفزيون وسريره الوقت اللى بيقعده عالكرسى بيبقى دقيقة لكل سنة من عمره  **الحرمان** -نحرمه من لعبه لحد لما يبطل اللى كان بيعمله خاصة لو بيعمل دوشة باللعب دى أو بيكركب الدنيا بلعله طيب لو الطفل بيضربنى بيعضنى أو يقرصنى تخليه يجيب منديل مبلول ويحطه على مكان الألم وفهميه أن الموضوع دة سببلك ألم وضرر كل مرة يعمل كدة -لو عندك أكتر من طفل ماتبقيش قاضى فوسطهم وتحكمى مابينهم مين غلطان عشان يعتمدوا على نفسهم مايحسوش بتفرقة منك فالمعاملة الأم والأب مايعارضوش بعض يعنى ميبقاش الطفل متعاقب وأول ما باباه يجى يشيل العقاب كدة بتهز صورة الأم قدام الطفل ماتبقاش أنت كأب سايب الطفل طول اليوم للأم وماتخلهوش يحترمها لو واحد من الأبوين شايف ان العقاب أوفر يتناقش مع التانى بعيد عن الطفل ويروح اللى حط العقاب يلغيه ** الضرب عمره ماكان وسيلة عقاب, الطفل بيخاف منك وقت الضرب بعد ما بتودى وشك الناحية التانية بيرجع يعمل اللى كان بيعمله عادى ومع التكرار الطفل بيتعود على الضرب كل ما حتضرب الطفل أكتر كل ما حيعند معاك أكتر عشان يغيظك فى دراسة اتعملت فأنجلترا على مجموعة أطفال لقوا ان النمو العقلى للطفل اللى بيتعرض للضرب أو العنف والتهزيق بيتأخر ولقوا ان الأطفال دول بيبقوا عدوانيين أكتر أكتر الأسباب اللى بنتحجج بيها "أنا عندى ضغوط عشان كدة غصب عنى بتعصب " كلنا عندنا ضغوط فالشغل والشارع والبيت أولادنا ملهمش دعوة بالكلام دة فى ناس بتزعق وتضرب الطفل عشان يأكل ماهو مش عشان وزن أبنك يبقى كويس يتعرض لعنف ويبقى مريض نفسى أدى طفلك الفرصة يجوع عشان يأكل ويختار مانبقاش بنلف بالطبق والعصاية ورا الطفل طول اليوم عشان يأكل  
|
|
23 - 05 - 2017, 08:51 PM
|
رقم المشاركة : ( 2 ) | ||||
|
..::| الإدارة العامة |::..
|
رد: نعاقب الأطفال أزاى؟؟
أدى طفلك الفرصة يجوع عشان يأكل ويختار مانبقاش بنلف بالطبق والعصاية ورا الطفل طول اليوم عشان يأكل موضوع جميل يا رينا |
||||
|
|
|
24 - 05 - 2017, 08:29 AM
|
رقم المشاركة : ( 4 ) | ||||
|
..::| الاشراف العام |::..
|
رد: نعاقب الأطفال أزاى؟؟
ميرسى لمروركم الغالى
 |
||||
|
|
|
24 - 05 - 2017, 10:55 AM
|
رقم المشاركة : ( 5 ) | ||||
|
† Admin Woman †
|
رد: نعاقب الأطفال أزاى؟؟
أدى طفلك الفرصة يجوع عشان يأكل ويختار مانبقاش بنلف بالطبق والعصاية ورا الطفل طول اليوم عشان يأكل شكرا على المعلومات ربنا يباركك |
||||
|
|
|
25 - 05 - 2017, 08:05 AM
|
رقم المشاركة : ( 6 ) | ||||
|
..::| الاشراف العام |::..
|
رد: نعاقب الأطفال أزاى؟؟
ميرسى لمرورك الغالى
|
||||
|
|
 |
|
العرض العادي
