|
 |
 |
 |
|
رقم المشاركة : ( 1 )
07 - 05 - 2017, 07:54 PM
|
|||||||||||
|
|||||||||||
|
بكره اللى مستنينوا بعد بكره هايبقى أمبارح وأمبارح اللى بنندم عليه وفاكرينوا !! لسه فاكرينوا مع انه كان جارح .. ويوم بيتكرر ومابنتغيرش ولا حاجه بتدوم ومابنتعلمش كل اللى بيحصل عمر بينقص ومابنفكرش لما العمر ده راح يخلص ايه اللى هايحصل مابنسألش او يمكن عارفين بس عاملين مابنعرفش .. وبكره زى امبارح زى بعده كله محصل بعضه وخش فى الخلاط لفتين هوب فات خمس سنين طلعت منهم بحاجتين هو ازاى هو انا مين وخدلك كمان لفتين تطلع منهم مسكين بتبان انك قوى بس من جوه حد حزين حد ضعيف حافظله بس يدوب كلمتين !! كلمتين يقولهم وسط الناس يضحك بيهم على نفسه قبل ما يضحك على المستمعين .. هوب لأ استنى كفايه سنين استنى واعرف العيب منك ولا من ظروفك ولا من المحيطين العيب فيك ولا فى زمنك ولا فى وقت كل مابيعدى بتبقى خسارتك خساره مضاعفه يعنى خسارتين .. حاول تعرف حاول تسأل انا فالدنيا جيت من نفسى ولا اللى خالقنى له فحياتى هدف وهدفهُ ثمين .. أصبر على نفسك ولملم يأسك خد بعضك ومعاهم ضعفك وروح لألهك قوله يدوب كده كلمتين قوله انا عندك .. شويه طين زمان اديتنى روح وعينين الروح دى حياه اما النور بتشوفه العين وانت نور وحياه وانا تايه عن الاتنين .. حبه ظروف على شويه خوف على اتكال بحاجات يدوب اوقات وتروح فالهوا اصلها ماديات انا دلوقتى جايلك فى سكات مانت اللى تقدر بس لوحدك تعوض وزياده عن كل اللى فات كل اللى عندى امسك فيك اصل من غيرك بالاسم عايش بس عيشتى يدوب عيشه اموات .. عماد حسنى 
|
|
08 - 05 - 2017, 10:00 AM
|
رقم المشاركة : ( 2 ) | ||||
|
† Admin Woman †
|
رد: بكره اللى مستنينوا
كل اللى عندى امسك فيك اصل من غيرك بالاسم عايش بس عيشتى يدوب عيشه اموات .. ربنا يباركك حببتي |
||||
|
|
|
09 - 05 - 2017, 01:17 PM
|
رقم المشاركة : ( 3 ) | ||||
|
..::| الإدارة العامة |::..
|
رد: بكره اللى مستنينوا
ميرسي على مرورك الغالى مرمر
|
||||
|
|
 |
|
العرض العادي
