( المعجزة الخيالية ).

[marit jesus]

※ من أخطر الأمراض اللي منتشرة في مجتمعنا.
مرض انا بسميه ( المعجزة الخيالية ).
※ اوقات بنكون نفسنا في حاجه، بس بنخاف من المقابل( فلوس، وقت، مجهود، سهر، تعب ).
1. وزنك زياده ومتضايق من شكلك وعاوز تعمل رجيم ؟.
يبقي هاتتعب وهاتحرم نفسك من الاكل وهاتتبهدل، مافيش علاج سحري تاخده وتنام تصحي تلاقي نفسك 60 كيلو. انسي الاحلام دي.
2. حاسس ان فيه حاجه تعباك بقالها فترة ؟
يبقي لازم تروح لدكتور وتكشف وتاخد علاج، لما تطنش التعب مش هايتقمص ويمشي لوحده.
3. عاوز تجيب تقدير في الكلية؟
يبقي لازم تذاكر وتجتهد وتسهر، تأكد انك نكره بالنسبة للدكتور، حليت هاتاخد امتياز، ماحلتش هاتاخد في اسنانك.
4. عاوز تبقي غني ؟
يبقي لازم تتعب وتشتغل وتسهر ويتحرق دمك، وتأكد ان عمرك ماهاتلاقي شنطة الفلوس اللي بتحلم بيها من 2 اعدادي.
5. عندك مشكلة مع حد من اهلك ؟
يبقي لازم تفكر وتدور علي اسباب المشكلة مش اعراض المشكلة، وتحاول تحلها, وتتعب عشان تحلها، مافيش كائن فضائي هايجيي يحلها لك، وتأخير الحل بيعقد المشكلة اكتر.
⬅ ليه لما نكون محتاجين حاجه ضروري اوي، نقعد نسرح بخيالنا.
ونتخيل ان فيه معجزة هاتحصل تحقق لينا اللي بنتمناه.
والله ده ما هايحصل. فوق من الخيال والاوهام دي.
لازم تتعب عشان توصل لفرحة ولذة الوصول لهدفك.
{ يفوز باللذة كل مغامر ♢ ويموت بالحسرة كل من يخشى العواقب }

[Rena Jesus]

ميرسى ربنا يبارك تعب محبتك

[Mary Naeem]

ربنا يبارك حياتك

[walaa farouk]

ربنا يبارك خدمتك الجميلة

[MenA M.G]

موضوعك مميز .. طرح رائع
ربنا يبارك خدمتك