المكسب الحقيقي اللي بنحققه في حياتنا!

[Rena Jesus]

مهما الدنيا ودتنا رحلات و رجعتنا،
مهما أخدت مننا أو ادتنا،
بتفضل علاقاتنا بالناس اللي حوالينا من أسرار ربنا في خلقنا
و المكسب الحقيقي اللي بنحققه في حياتنا!

التعبير عن الشكر للناس (اللي هما نفسهم نِعمَة في حياتنا) مهم جداً لسعادتهم و سعادتنا..
و أجمل شكر للناس اللي بنحبهم اننا نقولهم ان احنا بنحبهم

تعالى نفكر في اجابة لكل سؤال من الأسئلة الي جايه دي
و نقول للناس اللي اسمهم جه على بالنا و احنا بنفكر في اجاباتنا:

مين الانسان اللي بحب حُبّه ليا،
علشان بيحبني زي ما انا من غير ما يطلب مني اغير حاجة في نفسي؟
مين الإنسان اللي وجوده معايا بيخلي الدنيا أسهل و أحلى؟
مين الانسان اللي كل ما الاقيه جنبي ببقى مطمن و متفائل؟
مين الانسان اللي اتعلمت منه حاجات غيرت حياتي للاحسن؟
مين الانسان اللي حضنه أوسع ليا من الدنيا كلها؟

كل سنة و الناس اللي بيحببوا للناس حياتهم موجودين ..

[Mary Naeem]

مشاركة جميلة جدا

ربنا يبارك حياتك

[walaa farouk]

ميرسى على مشاركتك الجميلة

[Rena Jesus]

ميرسى لمروركم الغالى

[MenA M.G]

موضوعك مميز .. طرح رائع
ربنا يبارك خدمتك

[Rena Jesus]

ميرسى لمرورك الغالى