|
 |
 |
 |
|
رقم المشاركة : ( 1 )
30 - 01 - 2017, 02:28 PM
|
|||||||||||
|
|||||||||||
|
و انصافا للحق ... زي ما فيه gentleman فيه واحدة lady و بنت ناس ... _ عنيها ما بتزغش على رجالة تانية و هية قاعدة مع واحد (أيا كان هوا مين ... ) و اللي تعمل كده .. تبقى مش محترمة ... حتى لو على سبيل الهزار .. لأن الموضوع جارح و فيه انتقاص من رجولة اللي معاكي ... _ بنت الناس بتراعي ظروف اللي معاها .. و مبتضغطش عليه بخروجات و طلبات مش في امكانياته ... بس على طول بتشجعه أنه يبقى أحسن و أنه يسعى و يطور من نفسه أكتر ... و مبتسبوش يستسلم لحالات الاستسلام و الاحباط.... _ فاهمة كويس أنها مش عالة على حد و لا عويلة عشان تحط كل أحلامها و رغباتها و تطلعاتها لمستوى معيشي أفضل تحت خانة في "انتظار فارس الأحلام الثري" ... فاهمة أنها "شريكة حياة " لأحدهم .... _ بنت الناس بتحفظ أسرار شريكها و مبتعريش نقط ضعفه و عيوبه قدام أي حد ... أي حد يا فاطنة .... _ بنت الناس مبتعايروش ... و لا بتقارنه بحد ... حتى على سبيل الهزار ... مفيش هزار في الحاجات دي ... _ بتهتم بنظافتها الشخصية و شكلها بأقل الامكانيات المتاحة ... (شعرها نضيف_ضوافرها نضيفة_حجابها نضيف_لبسها نضيف_ ريحيتها حلوة _ .... ) .... _بتحاول تطلع شريكها في أفضل صورة قدام الغريب و القريب ... و بتتجنب أي نقاش حاد معاه قدام الناس .... بتستخدم ذكاءها و مهاراتها الإجتماعية في تفادي أي مواقف محرجة للطرفين .... _ بنت الناس مبتعرفش تلقح كلام ... يا بتتكلم على طول بشكل واضح و صريح ... يا بتنسحب .... _ ما بتتكلمش بإحداث عن (فيلة سوسو .. و شنطة لولو ... و سفرية شوشو ... و عربية فوفو ... الخ) و على طول حاسة أنها راضية و شبعانة و عنيها مليانة ... و بتحاول تسخر كل إمكانيتها العلمية و العملية و البدنية اللي تمتلكها هية و شريكها في أنها تحقق الناقص ... _ مبتقلوش (تعالى اتجوزني .... ) .. بس بتقله (أنا بحبك و معاك على الحلوة و المرة ... ) لو مفهمش ... لو متحركش ... لو مسعاش .... بتعز نفسها و بتفارق ... _ بتقدر ... و بتحس .... وبتقول "شكرا...أنا عارفة أنت بتتعب قد ايه" ما بتوصلش شريكها لنقطة اللامبالاة و عدم الاكتراث لما يحس إن سونيا زي سوريا .... _ عندها عقل و كرامة و نظرة بعيدة للأمور ... عندها ثقة في نفسها و في اختيارها .... مبتسمحش لنفسها أنها تكون شروة للي يدفع أكتر ... بتدافع باستماتة عن اختيارها ... و عندها القوة و الثبات أنها تتحمل نتيجة اختيارها ... أحسن ما ييجي اليوم اللي تقول فيه "أنتوا اللي عملتوا فية كده..." و ده غالبا بيبقى الاختيار الأسهل و الأريح ... و الأضعف !! _ ما بتتكلمش عن حاجة متعرفهاش .... و لا بتتفلسف و بتفتي وسط الناس لإثبات أنها على قدر كبير من الثقافة ... بتحافظ على صورتها .... و صورته .... _ آخر حاجة ممكن تلجألها النكد و الحزن .... ما دام فيه حاجة ممكن تتعمل ... ما دام فيه حل ... ما دام فيه بديل ... يبقى الحزن لسة مجاش معاده .... و ممكن نلخص أي حاجة ممكن تتقال إن في ظل وجود الكثير من "أشباه النساء" اللي معظم الوقت بينادوا بالاستقلالية و يرفعوا شعارات لحقوق المرأة و كرامتها ... و مع أول عريس بيتقدم بتلاقيها بتتخانق على "عدد الملايات" و لا على "قاعة الفرح .. " و فاكرة أنها كل ما تصعبها على شريكها كل ما تغلي من نفسها أكتر .... لو وجودك في حياة شريك "حياتك" بيغلى بالطريقة دي ... فتأكدي أن قيمتك هتقل يوم ما يبقى معاه أكتر ... مفيش حاجة تضمن وجودك في حياته غير أنه يلاقي فيكي القوة و السند و عزة النفس ... يبقى عارف أنك معاه بكل إراداتك ... مش معاه عشان بيصرف كويس ... يبقى عارف أنه يوم ما يدسلك على طرف و يقل منك ... هتفارقيه ... هترمي كل حاجة ... و هتشتري نفسك و كرامتك و تمشي .... دي أكتر حاجة تعزك ... مش الكام الألف اللي ادفعولك هدية ... الست القوية الذكية الحنينة الجدعة ... و اللي أهم من ده كله "الحرة" ... هية السند ... هية الأمان .... هية "شريكة الحياة".... cpd 
|
|
30 - 01 - 2017, 02:40 PM
|
رقم المشاركة : ( 2 ) | ||||
|
..::| الإدارة العامة |::..
|
رد: بنت الناس ...........
حلووووة اووووى يا رينا
ربنا يبارك خدمتك الجميلة |
||||
|
|
|
30 - 01 - 2017, 03:19 PM
|
رقم المشاركة : ( 3 ) | ||||
|
† Admin Woman †
|
رد: بنت الناس ...........
مشاركة جميلة جدا ربنا يبارك حياتك |
||||
|
|
|
30 - 01 - 2017, 09:40 PM
|
رقم المشاركة : ( 4 ) | ||||
|
..::| الاشراف العام |::..
|
رد: بنت الناس ...........
ميرسى لمروركم الغالى
 |
||||
|
|
|
10 - 02 - 2017, 11:53 AM
|
رقم المشاركة : ( 6 ) | ||||
|
..::| الاشراف العام |::..
|
رد: بنت الناس ...........
ميرسى لمرورك الغالى
|
||||
|
|
 |
|
العرض العادي
