كأنك بتبص يا ساحبي علي الحياة من خرم الباب ..و بتتفرج
ناس رايحة و ناس جاية ..و لما مش بتشوف حاجة بتميل بودانك تسمع هم بيقولوا ايه؟؟
و لما حتي ماتبقاش سامع ولا شايف ..بتنزل وشك و تشوف اي سرسوب نور من عقب الباب ..
ممكن تفضل سنين ..واقف ورا خرم الباب ..و خايف تفتح او حتي تفكر تفتح الباب
و لما بتضلم خالص ..بتقف تتخيل اشكالهم ..ورا الباب ..جوة الاوضة ..جوة حياتهم و حياتك ..
او بتشوف حاجة بسيطة ..و بتتخيل باقيتها
و بتسمع احيانا طراطيش ..و بتكمل بخيالك حكاياتهم ..
او تدخل حالا عالفيس ..بتعسعس من خرم الوال ..
و بتسهر لياليك بتجمع ..قصاقيص الفيس ..قص و لزق ..لغاية ماتجمع حكايات ..مانت اصلك استاذ تملي فراغات حكاياتهم بخيالك ..
قدامك حل من اتنين ..ترجع لوراك خطوات و تشوف الباب في طبيعته ..و تشوف اخواتك واقفين كل واحد علي باب ..او تفتح بابك و تشوف الاوضة فاضية هاتفوجأ و تلوم خيالاتك..علي حبكتها للحكايات ..
واجه بابك ..واجه اوضتك ..عيش جوة حياتك ..مش براها ..ماتبصش عحياتك مالخرم ..او حتي اكتر من خرم
سد خرام نفسيتك يلا ..و افتح ابوابك المقفولة !!
