هناك دائما فروقا فردية بين كل انسان واخر

[marit jesus]

هناك دائما فروقا فردية بين كل انسان واخر
( انوع الذكاء المختلفه )
- كلنا كبشر عندنا انواع ( ذكاء مختلفه ) عن بعض , كل شخص ليه ’ مجال او قدره ’’ اكبر عن الاخر فى ’’ الذكاء ’’ دا . لكن كلنا عندنا درجات ذكاء من كل الانوع , لكن فى نوع بيكون ’’ الاعلى ’’ فيهم ودلوقتى هنتكلم عن انواعهم ’ وازاى تعرف انك صاحب النوع دا من ’ الذكاء ’ :
1- الذكاء ’ المنطقى ’ او ( الحسابى ) :
بيقدرو يتخيلو الارقام والحسابات الدقيقه .
بيعرفو يتعاملو مع الارقام والرياضيات بتكون مادتهم المفضله وكمان الفيزياء والعلوم .
بيحبو الالاغاز والسودوكو والجيمز الى فيها تفسيرات منطقيه .
بيدورو على اخرالحروف فى الكلمات وخصوصا الشعر .
لما بيرشحو حاجه بيشرحوها حسب الترتيب التاريخى والمنطقى والنمطى للموضوع .
* ومبيحبوش حد يجيب كلمه من ( الشرق ) وكلمه من الغرب .
2- الذكاء الحيزى ( التصويرى ) او ذكاء المساحات :
بيقدرو يتخيلو الاشكال والاماكن لما يغمضو عينيهم .
بيقدرو يقدرو المساحات كويس ويعرفو مثلا انه ( الدولاب دا ينفع للمكان دا ) وبيقدرو يحددو اذا كان هيكون ارتفاعه مناسب ولا هيخبط فى السقف .
بيقدرو يمشو فى اماكن ضلمه ويتخيلو الطريق والمساحات حتى لو عيونهم مغمضه .
بيحبو الهندسه والرسم والميكانيكا احسن بكتير من الجبر والتفاضل .
لو شافو قطعه مدوره او مكعب بيعرفو ايه المكان المناسب لدا بالظبط وبنشوفها فى الاطفال كمان .
3- الذكاء (اللغوى) :القدرات البلاغيه فى الكلام .
بيقدرو يستخدمو الكلمات كويس فى التعبير عن مشاعرهم وافكارهم ويلعبو بالالفاظ .
بيستمتعو بتاثير ووقع الكلمات على ودن الى قدامهم كويس جدا .
بيحبو يسمعو الكتب او يسمعو الراديو وبيتأثرو اوى بنبرات صوت الى بيتكلم .
بيحب لعبه الكلمات المتقاطعه او الالعاب الى بتعتمد على كلمات .
فى الدراسه بيحبو ( اللغات والادب والمطالعه ( عن ( العلوم والرياضيات )
4- الذكاء _ الرياضى _ الجسدى :
بيمارسو الرياضه بانتظام كل يوم وبيحبوها جدا .
بييزهقو لو قعدو على مكاتب فترات طويله .
بيحبو يعملو الحاجات الى فيها حركات لايديهم زى النجاره او الطبخ او حتى التريكو .
بيعبرو عن انفعلاتهم بحركات ايديهم وجسمهم كتير .
بيحبو اوى ’ يلمسو ’ الحاجات بايديهم علشان يحسوها ناعمه او خشنه او سخنه او بارده وبيستمتعو جدا بانهم يشيلو الحاجات ويحسو بوزنها فى ايديهم .
5- الذكاء الاجتماعى :
شاطرين فى التاثير على الاخرين واستخدام جسمهم وصوتهم وانفعالاتهم فى التاثير على الناس .
بيحبو اللعب الجماعيه مش الفرديه فى ممارسه الرياضه وبيتحمسو لوجود الناس حواليهم .
بيحبو يكونو صداقات كتيره على اد ما يقدرو وشاطرين فى كسر التخوفات من الاخرين .
بيحس بالراحه حتى لو فى وجود ناس غريبه عليه وبيأثر عليهم .
بيكون قائد او زعيم بين شلته ودا بيخليه دايما مبسوط وشاطر فى انه يفيدهم .
6 - الذكاء ’ الموسيقى ’ :
ودانهم حلوه اوى فى انهم يسمعو مزيكا او اغنيه مزيكتها حلوه لدرجه انهم ممكن يعرفو ايه نوع الاله الى شغاله فى الخلفيه ورا المغنى بالظبط .
بيحبو يغنو او يألفو كلمات للأغانى .
بيعرفو يوزنو الكلمات ويقفوها . وبيحبو يسمعو الشعر واغانى الراب .
وهما بيتكلمو مع الى حواليهم بينقرو بصاوبعهم على الخشب او لو مسكو اى خشبه حتى بيفضلو يخبطو فيها فى اى حاجه قدامهم ويعملو بالخبط ايقاع موسيقى * غالبا بيضايق الى حواليهم .
بيحبو المزيكا وبيحبو كل شيئ هادى وكلاسيكى او صاخب وغريب لكن ليه ريتم موسيقى .
7 - الذكاء ’ التحليلى ’ الفردى :
بيحبو يقضو وقت لوحدهم فى ’ التأمل ’ والفلسفه وفهم دوافع الاخرين ومجريات الامور .
ارائهم الشخصيه بتكون ’ سابقه ’ سنهم وبتختلف جوهريا عن اراء اقرانهم اوالى حواليهم .
بيحبو الاختلاف جدا وبيحبو يكونو مميزين ومش بيندمجو فى الرياضات الجماعيه .
عارفين نقاط ضعفهم وقوتهم كويس جدا جدا .
مبيحبوش الزحمه فى وقت الراحه او الاسترخاء , بيفضلو يكونو لوحدهم او العدد يكون قليل على اد ما يقدرو .
عندهم ’ اراده قويه ’ لتحقيق الى بيحلمو بيه ’ حتى لو لوحدهم .
قادرين على رؤيه ’ ما وراء سلوك الاخرين ’ قدامهم , يعنى لو شخص عمل حاجه او قال حاجه ( بيعرفو )بسهوله انه قال كدا علشان ’ مصالحه الى خايف عليها ’ او علشان بيحب فلان وعايز يكسبه , فبالتالى هما قادرين على استشعار صدق وكذب الاخرين بسهوله .

[Rena Jesus]

ميرسى ربنا يفرح قلبك

[Mary Naeem]

مشاركة جميلة جدا

ربنا يبارك حياتك

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك

[marit jesus]

ميرسى على مروركم الغالى