قصة بسيطة أوي بس ليها معنى رائع ....
ولد وباباه كانوا بيتمشوا مع بعض، وفجأة سأل الولد الصغير باباه وقاله.. " بابا هو ربنا قد ايه؟! وفي محاولة للأب انه يشرح لأبنه، بص لفوق في السما لاقى طيارة فابتسم وقال لأبنه .. " الطيارة دي حجمها اد ايه؟ راح الولد رد وقاله " يا بابا دي صغيرة أوي، أنا أصلا شايفها بالعافية! .. وبعد كده راح الأب أخد الولد وداه عن جراج الطيارات وراح قاله" طب وكده الطيارة بقى حجمها اد ايه؟! الولد اتفاجئ من حجمها وقاله " واوووووو يا بابا دي كبيرة أوي هنا "، فأبتسم الأب وقاله: هو الموضوع كده بالظبط .. مدى قربك من ربنا هو اللي بيوريك حجمه، كل لما تكون قريب منه، كل ما تشوفه كبير وعظيم وكل ما تبعد عنه يتهيألك انه بعيد ومش باين أو حتى انه مش موجود ..
تفتكروا احنا كمان نقدر نتعلم حاجة من القصة دي ولا لأ؟
-
14 - 01 - 2017, 01:19 PM
رد: هو ربنا اد ايه ؟!
العرض العادي
