مقبرة في الدماغ

[Rena Jesus]

الكاتب الروسي " Andrei Tarkovsky "
في فيلمه Nostalgia - 1983
كان بيقول : ( Unspoken feelings are unforgettable )
بمعني ( المشاعر الغير مصرح بيها غير قابلة للنسيان ) ...

مبدأيا لازم نفرق بين الكبت Repression و القمع Suppression ,,

فالكبت عملية لا إرادية يعني أنا غصب عني عقلي نسي حادثة معينه ,
أما القمع انا بأرادتي دفعت عقلي أنه ينسي حادثة معينة ..
بس هل فكرة النسيان سواء عن قمع او كبت هي فكرة نهائية ؟؟؟

العقل الأنساني بيتعامل مع الحوادث الحياتيه او الذكريات سواء مواقف او مشاعر بشكل أشد تعقيدا مما نتخيل ,
فالموضوع مش عبارة عن سلة مهملات رمينا فيها الذكري او الشعور اللي مش عاوزينه فخلاص كدة حينتهي من الوجود ,
أنما ده عالم كبير أسمه اللاوعي لغاية وقتنا ده علماء النفس مش عارفين يوصلوا لكل مداخله ..
بس اللي فيه أجماع عليه ان بالرغم من تعقيد و ضبابية اللاوعي إلا انه المسيطر الأكبر وهو المحرك الرئيسي لسلوك الإنسان من خلال الـ cognitive load أو المجهود المعرفي

فشعورك اللي انت عاوز تنساه بأي شكل او الذكري اللي انت نازل تضغط عليها عشان تختفي من مخك بتطلع عليك بتأثير أقوي من الاول و تبان في شخصيتك و افكاركك حتي و لو انت مش واخد بالك ..
فالكلمة اللي انت مكانتش عاوز تقولها حتفضل تطاردك ,
و القرار اللي ماكنتش عاوز تاخده حيفضل يعكنن عليك حياتك ,
و الشعور اللي انت مردتش تصرح بيه حيكون زي علامة في كل خطوة تفكر فيها في حياتك ! ..
فبمجرد نزول اي حاجة لطبقة اللاوعي تأكد انها حتكون اعنف و اشرس من الأول ..
وعشان كدة القمع المستمر للمشاعر و الأفكار عمره ما كان حل جذري أنما مجرد مخدر مؤقت بيسبب أثار سلبية كتير في حياة الإنسان ده ..

ففي النهاية فرويد بيقول :
( Unexpressed emotions will never die. They are buried alive and will come forth later in uglier ways ) ..
فالمشاعر الغير معلنة عمرها ما بتموت أنما بتتدفن حية و ترجع للظهور تاني في اشكال أقبح ..!
مقبرة_في_الدماغ

cpd

[Mary Naeem]

ربنا يبارك حياتك

[Rena Jesus]

ميرسى لمرورك الغالى

[walaa farouk]

ميرسي على مشاركتك الجميلة رينا

[Rena Jesus]

ميرسى لمرورك الغالى