| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
25 - 11 - 2016, 10:00 PM
|
||||
|
||||
|
انا واحد من الناس.. ساعات بنداس و ساعات بنباس..ساعات ابقي مدب و ساعات هجاص.. ساعات جد و ساعات بخنف و احلو و اعيش رومانسي باحساس.. خصوصا قدام الجنس الناعم.. عامل فيها فاهم ساعات بحس ان عندي شيزوفرنيا.. شخصين في واحد.. منهم وقور و التاني مناخوليا.. ده دبلوماسي و ده صادم ابص في المرايا و اسألني.. انت مين فيهم ياد.. انت الفيلسوف..و لا الدرويش و لا واحد عاوز يعيش.. فرفوش و لا اللي حتموت م الخوف و لا الكئيب المبلم... الرغاي و لا الصامت المتامل.. تلميذ و لا معلم حكيم ولا جاهل.. مستمع و لا متكلم ساعات زاهد مغمور. و ساعات عاوز ابقي غني مشهور.. ساعات اقول لسه الدنيا قدامي و ساعات اقول كفاية عليا ايامي.. ساعات ابقي شاكر و قابل... و ساعات رافض و متظلم حاجة تلخبط.. ليه عايش متخبط..لا فوق و لا تحت.. زي اللي رقصت ع السلم بيني و بينك يارب انا لو منك.. و لا اعبرني..دي حاجة تراللي.. عاذرك.. بس العجيب فيك انك عمرك ما بتتنازل عني.. عمرك ما بطلت تحاول تردني عمرك ما بتسلم عارف مشكلتي فين.. اني مجنون.. اه صدقني.. عاوز اجمع في ايدي الكون.. مش راسي علي بر.. شوية دير و خلوة و صلوة و ترنيمة حلوة و شوية هنكرة في مارينا و راس البر... شوية خطية و شوية بر.. شوية حضنك و ثابت فيك و شوية لعبة في ايد الشيطان عند اول اشارة منه بخر.. شوية فرحان و شوية متالم لا حار و لا بارد.. عارف ان ده حال مايل ما بيعجبكش.. بس انا عاوزك يا رب ماتخدش حالتي قفش.. لازم تبقي فاهم اني مش قادر.. يعني مش عند مني و لا متمسك بحالي و لا مصمم انت يا يسوع في ال subconscious ..ايوة زي ما بقولك كده.. محبتك جوايا بس في نفس الوقت خارجيا انت مش معايا.. فكري ناحيتك مش فريش كده و متجدد.. فكر مكمكم يبقي الحل فيك.. كده معناه اني مش كلي ليك.. فيه حاجات متكسرة.. روحك و نعمتك تلملم انا مستني لحظة حسم.. لحظة اختيار.. لحظة انتصار.. تاخد انت فيها القلب و الفكر و الارادة... لحظة يبقي فيها قرار اني اخضع اني اسلم تقدر تعمل كده.. لو طولت بالك..و ورتني جمالك.. بالتاكيد حختارك.. طول عمري بحب لون السماء و بكره المقلم 
|
|
#2
26 - 11 - 2016, 09:21 AM
|
||||
|
||||
|
مشاركه جميله
ميرسى ربنا يفرح قلبك ويبارك تعب محبتك
|
|
#3
26 - 11 - 2016, 12:34 PM
|
||||
|
||||
|
ميرسي على مرورك الغالى رينا
|
|
#4
26 - 11 - 2016, 01:49 PM
|
||||
|
||||
|
مشاركة جميلة جدا ربنا يبارك حياتك
|
|
#5
26 - 11 - 2016, 09:44 PM
|
||||
|
||||
|
ميرسي على مرورك الغالى مارى
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| وادي عخور في نظر الناس مرفوض | walaa farouk | معلومات عن الكتـاب المقدس | 0 | 26 - 08 - 2022 11:56 PM |
| فاشل في نظر الناس يا رب لكني ناجح معك | Mary Naeem | موسوعة توبيكات مميزة | 0 | 29 - 12 - 2020 06:37 PM |
| لما الناس تشوفك ناجح في حياتك | Mary Naeem | موسوعة توبيكات مميزة | 0 | 03 - 02 - 2018 12:45 PM |
| لا تعاملي كل الناس بإسلوب واحد | walaa farouk | موسوعة توبيكات مميزة | 2 | 09 - 12 - 2017 10:55 PM |
| ابليس لا يريدينى فقط واحد من الناس ولكن ايضا نسناس يلعب امامه وامام الناس | Mary Naeem | الصور العامة والمتنوعة | 0 | 19 - 07 - 2014 06:55 PM |
العرض العادي
