|
 |
 |
 |
|
رقم المشاركة : ( 1 )
04 - 11 - 2016, 09:34 AM
|
|||||||||||
|
|||||||||||
|
ماتكتفيش بالأمومة د. مارلين بسطوروس و انا باتفرج علي كل أم و الطريقة اللي بتعمل بيها الأمومة، باشوف حاجات كتير قوي..... باشوف أد إيه شخصياتنا أردنا أو لم نرد هي اللي بتختار شكل أمومتنا.... "عيوبنا الشخصية ......مخاوفنا ....خبراتنا ....أسلوب حياتنا.....مميزاتنا ...اللي بنعمله في حياتنا من إنجازات "..... و علي فكرة ده مش حاجة وحشة ده اللي بيخلينا متفردين لكن كمان بياخدنا إلى """" التغيير لو عاوزة عيالي تتغير """ مش هينفع أمنع عيالي ياخدوا عيوبي، طول ما هي موجودة، لازم ماتبقاش موجودة علشان ما ياخدوهاش، بالمعني الآخر، و يمكن ده اللي عاوزة أتكلم عليه اكتر ... إنتي مين؟ بتحبي تعملي إيه في حياتك؟ .. مهم قوي ...... مهم قوي تفضلي في سعي ليه ........... إنشغلي بالامومة و اعمليها حلو و اتعلمي و اتغيري........ و ادي عيالك وقت و العبي و أكلي و حمي و روحي و تعالي ......... و انبسطي بأمومتك اللي هيَّ عالم جميل، و حلو، و صعب ومليان تحديات للتغيير و للكبران ......... لكن ما تنسيش أبداً إنتي مين .....عاوزة إيه بتحبي إيه لانه مش بس مهم ليكي مهم قوي لعيالك، انهم يعرفوا انه إنتي مهمة ......أحلامك مهمة .......اللي بتحبي تعمليه مهم ....... ده درس العمر للعيال علشان يتعلموه ......زي ما قلت لازم يشوفوه....... علشان يعرفوا يمشوا ورا أحلامهم و يحبوها و ما يبطلوش سعي ليها لحد ما تتحقق. ما تكتفيش بالامومة........ لانه ده مش كل الي جواكي......... ده فيه رغبة كبيرة و قوية و حقيقية و حلوة......... لتحقيق إنتي مين .........و اتخلقتي في الدنيا دي ليه............ و علشان تعملي إيه "أمومتك"واحدة منهم مش كلهم ...........!!!!!!!! التغيير زي ما قلنا سكة فيها باجرب أغير طريقتي ... و اتعلم من العالم و من الخبرات علشان ابقي أب وأم أو زوج أو زوجة أحسن. التغيير سكة """انا""" باختار أمشيها باغير كتير من أفكاري و اختياراتي و أسلوب حياتي تاخد زي ماتاخد المهم انا ماشي و باتغير. 
|
|
04 - 11 - 2016, 09:36 AM
|
رقم المشاركة : ( 2 ) | ||||
|
..::| الإدارة العامة |::..
|
رد: ماتكتفيش بالأمومة
ميرسي على الموضوع الجميل يا رينا
|
||||
|
|
|
04 - 11 - 2016, 10:32 AM
|
رقم المشاركة : ( 3 ) | ||||
|
† Admin Woman †
|
رد: ماتكتفيش بالأمومة
مشاركة جميلة جدا ربنا يبارك حياتك |
||||
|
|
|
05 - 11 - 2016, 08:29 AM
|
رقم المشاركة : ( 4 ) | ||||
|
..::| الاشراف العام |::..
|
رد: ماتكتفيش بالأمومة
ميرسى لمروركم الغالى
 |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| فقد تمتَّعت بالأمومة لابن الله |
| لنصلي الى احنّ قلب يفيض بالأمومة في الأرض والسماء |
العرض العادي
