الفرح

walaa farouk · رقم المشاركة : ( 1 ) 31 - 10 - 2016, 06:53 PM

جربت تبص على منظر الناس وهي ماشية في الشارع؟!

لحظة تأمل

جربت تتأمل ملامح الناس حواليك، تلاقي ملامحهم مليانة بالحزن و الكآبة، وتلاقي الــ ١١١ مرسومة على وشهم. نادر جدًا لما تلاقي حد مرسومة عليه ولو ابتسامة بسيطة. ويا سلام لو لقوا واحد مبسوط، تلاقي كل الناس بتبصلوا وهي مستغربة. ومش بعيد طبعًا يقولوا عليه مجنون؛ أصل الضحك من غير سببب … !

أنا مش بقول أمشي أضحك في الشارع، الناس فعلاً تعبانة وشايلة هموم الدنيا كلها فوق دماغها، فأقل واجب أن الحزن يبان على وشهم. بس اللي بيعلمهولنا الكتاب، أننا نفرح.

ليه لازم نفرح!!

صفنيا (أحد أنبياء الله في أيام الملوك) قال لشعب اسرائيل أنتوا لازم تفرحوا. وده لأسباب كتير:

١. “نزع الرب الأقضية عليك، أزال عدوك”

فاللي الرب عمله معانا أنه نزع من حياتنا القيود، وحررنا. ومين غيره كان يقدر يفكنا من سلطان ابليس ويدينا الحرية من قسوة الخطية “أنقذنا من سلطان الظلمة”.

٢. “أزال عدوك. ملك إسرائيل الرب في وسطك. لا تنظرين بعد شرا.” وده حاصل بطريقة جزئية، فالشيطان ملهوش أي سلطان علينا. ده غير أنه هيحصل قريب أن الله هيبيد الشرير، وساعتها هيختفي كل وجع والم وشر “وإله السلام سيسحق الشيطان تحت أرجلكم سريعا”.

٣. “الرب إلهك في وسطك جبار. يخلص.” ومين زي الهنا يقدر يخرجنا من أي ضيق أو اِضطهادات “إذا جاء علينا شر، سيف قضاء أو وبأ أو جوع…. وصرخنا إليك من ضيقنا فإنك تسمع وتخلص.”

٤. “آتي بكم وفي وقت جمعي إياكم” وده الوقت اللي كلنا بنستناه ، الوقت اللي فيه هنقابل رب المجد يسوع ونسكن في سماه.”لكننا بحسب وعده ننتظر سماوات جديدة، وأرضا جديدة، يسكن فيها البر”

أعتقد أن دي كلها أسباب تخلينا نفرح، فالله من جهة خطايانا حررنا منها، ومن جهة الشر المحيط بينا هو محوط علينا وبينقذنا منه وهيجي اليوم اللي هيختفي فيه الشر للأبد، ومن جهة تجمعنا من حوله هو جهز يوم فيه هنتقابل كلنا معاه. فلما يجي الكتاب ويقولنا “افرحوا” معتقدش ان ده امر غريب، ده اقل واجب لكل اللي عمله معانا يسوع اننا نفرح.