مش مهم البدايات...النهايات هى الاهم

[walaa farouk]

- أنا حاسس اني مش قادر أعمل حاجة .. أي حاجة!
* ليه بتقول كده، مش يمكن ربنا ليه رأي تاني ..
ورا كل صورة قصه لازم تعرفها ..

شاول الملك..
شاول راجل مفيش وايه ولا احسن منه فى إسرائيل كلها
ومسحه صموئيل علشان يكون ملك على شعب إسرائيل من عيله
غنية رجل طويل ووسيم قوى جدا كل شعب إسرائيل فرح لما الله اختار شاول يكون ملك عليهم ..دارت الايام وابتدا شاول يبعد عن الله وعن وصاياه وبالنسبة له بقى الملك والمملكة اهم من كلام الرب لغاية لما جه الرب وبعت صموئيل لشاول وقاله ان الرب رفضه لأنه مبقاش بيسمع كلامه وهيشيل منه الملك
شاول كان شايف نفسه عمل حاجة بسيطة مش مستهله ان الله يعاقبه عليها ويأخذ الملك منه مش مهم أنت ابتديت مع الرب ازاى المهم بتعيش ازاى معاه فيه جمله مشهورة بتقول مش مهم البدايات النهايات هى الأهم "



راحاب..(يشوع2)

اول لما بنشوف اسمها بيجى فى دماغنا ايه ؟!
على طول بنفتكر راحاب الزانية مع ان هى عملت حاجه مهمة جدا وعظيمة لشعب الله نجت الجاسوسان إللى دخلوا عندها من حراس الملك إللى كانوا بيدوروا عليهم وكانت معرضة للخطر
علشانهم .علشان بس صدقت ان الله مع شعب اسرائيل
ووثقت فى كلام الجاسوسين أنها هتنجى هى وبيتها كله وكانت العلامة مجرد حبل هتنزله من الشباك رغم أنها وحشه وهى عارفة ده كويس الا ان إللى عملته ده دليل وإيمان قوى على ثقتها فى إله إسرائيل



جليات (صموئيل الأول 17)

دايما يتقال عليه جليات الجبار هو فعلا كان جبار طوله حوالى
3متر و20سم ولبسه كان تقيل وكله نحاس وكان بيمشى قدامه واحد علشان يشيل الدرع بتاعة وكان دايما شايف ان مفيش حداقوى منه او يقدر يغلبه ورغم كده جه داود وهزمه مش بس كده دا كمان قتله !!!
الانتصار ماكنش علشان شطارة داود لكن عشان ثقته فى إلهه إللى كان معاه وحماه من مواقف كتير قبل كده كانت صعبة لما داود اختار يثق فى الله ويسمع كلامه انتصر على جليات الجبار



جدعون.(.سفر القضاة 6)
جدعون كان أصغر واحد فى بيت أبوه وعليه مش بس صغيرة
لكن بيقول عليها الذلى يعنى أضعف واحده بين الاسباط كلهم
وكان من كتر خوفه بياخد القمح وينضفه فى مكان مقفول ومحدش شايفه واللى يعرفوا فى الزراعة عارفين ان القمح ده علشان يتنضف ويتشال منه القش لازم يبقى فوق تل عالى علشان الهوا يطير القش ويخلى حبه القمح لأنها تقيله فمش هتطير زى القش الخفيف رغم كل ده جدعون اتشجع وبعد محاولات كتيرة مع ربنا ابتدى يصدق فى الله أنه هيقدر يعمل بيه انتصار كبير للشعب واختار يمشى سكة الانتصار دى وقد كان
حتى لو انت شايف نفسك قليل وصغير لو صدقت فى كلام ربنا
إللى قاله هتعمل حاجات عظيمة زى جدعون



بولس الرسول (شاول الطرسوسى)(أعمال الرسل 9)
من أشهر شخصيات الكتاب المقدس فى العهد الجديد
شاول الطرسوسى وبعد مقابلته مع الرب يسوع بقى اسمه بولس الرسول شاول كان مكتوب عنه أنه بيهدد وبيقتل كل المسيحين واللى بيشهدوا عن يسوع المسيح والمشكله أنه كان فاكر ان دى الطريقة إللى بترضى ربنا هو فعلا كان عايز يرضيه لكن الله كان ليه طريق تانى وسطه تانيه خالص وبقى هو هو نفسه إللى كان بيقتل اى حد بيتكلم عن يسوع ضحى بحياته كلها علشان يسوع



يسوع المسيح..
الشخص الوحيد إللى ينفع نقيس عليه حياتنا وتصرفاتنا اذا كانت صح او غلط هو الرب يسوع طالما احنا اختارنا نتبعه ونمشى وراه يبقى لازم نسمع كلامه ونعيش زى ما قال
الحكم على الناس مش دورنا ومش احنا إللى المفروض نقول مين صح ومين الغلط
الله كاشف القلوب وعارف النوايا
قيس نفسك على تعاليم يسوع مش اى حد تانى

[Rena Jesus]

موضوع رائع
ميرسى ربنا يبارك تعب محبتك

[walaa farouk]

ميرسي على مرورك الغالى رينا

[Mary Naeem]

موضوع مميز يا لولو

شكرا يا قمر

[walaa farouk]

ميرسي يا مرمر على مرورك الغالى والمميز

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك

[walaa farouk]

ميرسي على مرورك الغالى مينا