خلى طموحك يبدا

[walaa farouk]

اوعى تمشى فى حياتك بمبدأ ..
اللى يشوف بلاوى الناس تهون عليه بلوته ..

لأن ربنا مش عايزك ترضى باللى انت فيه ..
طالما فيه اوحش ..

ربنا عايزك ترضى باللى انت فيه ..
حتى لو انت الاوحش ..

والا مايبقاش اسمه رضا ..

اوعى تسيب مفاتيح سعادتك فى ايدين بنى آدم ..
عشان ممكن يغيب ويروح كام مشوار ورا بعض ..
وتلاقى نفسك قاعد ومقفول عليك ..
عشان مامعكش ولا مفتاح ..

وحتى لو الفرح جالك وخبط على بابك ..
هتلاقى نفسك بترد زى زمان وانت صغير ..
لما كانوا بيسيبوك فى البيت لوحدك ..

"معلش .. اصل الباب مقفول من برة"

اوعى تبص للى انت فيه .. على ان دى النهاية ..
طالما ربنا سمح انك تقف فى مشكلة ..
ولسة فيك نفس طالع داخل ..
يبقى لسة فيه حاجة تانية هتحصل ..

وساعتها ربنا بيبقى عايزك تعمل حاجة من اتنين ..
يا اما عضلاتك تقوى ..
وتفضل تتنطط لغاية ماتجيب نطة عالية ..
تعدّيك فوق المشكلة .. وتوصل للناحية التانية
يا اما قلبك يقوى .. ويعدى وقت ..
تكتشف فيه انك قادر تتعايش مع المشكلة ..
ومش هيفرق معاك ساعتها انها تتحل من الاساس ..

ماتقبلش بدور الكومبارس فى اى موقف ..
طالما ربنا سمح انك تاخد دور البطولة ..
عشان هو ده الدور اللى هيسألك عليه ..

لو فيه حد بصمته زى بصمتك فى العالم كله ..
سلاعتها اقبل انك تبقى نسخة مكررة ..
لكن لو ربنا خلقك .. ومافيش فى العالم زيك ..
حتى توأمك ..
اوعى تقبل انك تبقى نسخة مكررة من حد ..

خلى طموحك يبدأ ..
من نقطة نهاية اللى سبقوك ..
لأنك لو عملت اللى هم عملوه ..
يبقى مش هتوصل لأعلى من اللى هم وصلوا له ..

الكلام اللى فوق ده ..
خلطبيطة خبرات عشتها ..
بس انا واثق ..

[Rena Jesus]

ميرسى يالولو
اوعى تبص للى انت فيه .. على ان دى النهاية ..