|
 |
 |
 |
|
رقم المشاركة : ( 1 )
07 - 10 - 2016, 07:29 AM
|
|||||||||||
|
|||||||||||
|
عايزة اتجوز بس افضل زي ما انا 😎 -عايزة اتجوز بس افضل اروح ال GYM و آكل healthy food . -واليوم ال free نلخبط مع بعض ✋🏻 -مش عايزة اتخن و ابقي مبهدلة ف نفسي و ملخومة ع طول و مش لاقية وقت ل نفسي 😞 -مش عايزة اتجوز و الهم يركبني و حنجيب منين و نعمل ايه و نتخانق و نعيش ف نكد ! -مش عايزة الاهتمام يقل و الاهمال يزيد و الايام تسرقنا و ننسي التواريخ اللي جمعتنا 😓 و الاقيه نسي عيد ميلادي ولا يوم جوازنا 😏 -مش عايزة ارجع من الشغل انام من الزهق و عشان اخلص من الصمت اللي بقي بينا ! (ما لازم يفكر يخون بقي ) :-\ -مش عايزة الكلام يتعاد و يبقي كلام النهاردة نفس كلام امبارح ! -مش عايزة انشغل بالعيال و الدراسة و التمرين بتاعهم و انسي جوزي و نبطل نخرج انا و هو لوحدينا !! -مش عايزة يبقي اقصي خروجة لينا اننا نروح كارفور نجيب حجات للبيت ! اومال حنروح نرقص slow dance امتي بقي :-D طب نروح ديسكو نشرب عصير برتقان :-D -مش عايزاه ينزل عالقهوة مع صحابه عشان البيت ممل و العيال زنانة ! لا انزل عالقهوة عشان صحابك واحشوك مش عشان تهرب من البيت ! -مش عايزاة يتلكك علي اللي ناقص فالبيت و يقولي ( ماهو بسبب شغلك يا هانم !!) حتي لو مرتبه مكفينا و زايد كمان ! بس دا شغلي يعني دا انا ✋🏻 -عايزة اروح السينما midnight بعد ما العيال يناموا 😍 و نرجع متأخر 👍🏻 و نبقي صيع :-D -عايزة اتجوز بس افضل ألبس فالبيت ال short T-shirts اللي عليها WaltDisney characters 😍 ميكي و بطوط 😍 و افضل بال لكلوك بتاع lion king 😂 -عايزة اتجوز راجل عنده فكر و مثقف و لما نقعد نتكلم بجد ،يقنعني و اقنعه ✋🏻 عايزة اتجوز بس افضل بنته الصغيرة اللي بتلبس اللي عايزاه بنفس ستايلها ✋🏻( انت متجوزني كدا وانا عايزة افضل كدا ) 😎 -عايزة اتجوز و اعمل ركن ف بيتي للقراية و يكون نور هادي و كرسي هزاز و مكتبه فيها روايات قديمة كتير ل ( يوسف السباعي و احسان عبد القدوس ) 😍 -عايزة اتجوز و اقفل ال facebook و استمتع معاه بحياتنا اللي غالبا حنخربها سوا 😂 -عايزة اتجوز و اجيب عيال عشان يبقوا صحابي ، زاكروا و خلاص مش لازم يبقي شاطر ل مامي و ممتاز ل بابي و يطلع الاول زي ابن عمه و الكلام الاهبل دا و انا اقعد اسهر معاه و احفظ يابني الله يخربيتك عمك حيقول علينا جهلة 😂 ما يولع عمه اصلا 😂 المهم الواد ينبسط ف حياته و يطلع دماغه حلوة و مثقف و بتاع قرايه و حوار ✋🏻 -عايزة اتجوز عشان اعيش زي ما انا عايشة ف بيت ابويا مش شرط نفس المستوي بس لازم يبقي نفس الفكر و الحرية و الثقة ✋🏻 اللي هو اعملي اللي عيزاه انا عارف انا متجوز مين ✋🏻 ابويا دايما يقولي ( شوفي حتعملي ايه و انا معاك يا باشا 😂  -مش عايزة اتجوز و اتلخم ف غسيل اطباق و حطبخ ايه النهاردة و يالاهوي مطلعتش الفرخة تفك من الفريزر 😂 ما عن امها ما فكت 😂 ننزل نجيبها جاهزة يا سيدي 😂 -مش عايزة اتجوز و اضطر اتنازل عن حياتي اللي بستمتع بيها 😓حتي المشاكل اللي ف حياتي بستمتع و هي بترهقني فالتفكير و شغلاني 😉 -عايزة اتجوز عشان نفضل ١١ شهر بنحوش فلوس الاجازة اللي حنسافر نقضيها انا و هو برا مصر فالشهر ال ١٢ 😂 هو يعني مين اللي قال ان شهر العسل بيبقي مرة واحدة فالعمر 😎💪🏻 دا لسة في قارات كتير مروحنهاش 😂 -عايزة اتجوز و نسهر فالبلكونة نلعب طاولة و نسمع ام كلثوم و حليم 😍 تلعب 31 ولا محبوسة 😂😂 اشطة اللعب عالمشاريب و قوم اعمل انت بقي 😂 -عايزة اتجوز و مامته تقول و مامتي تقول و اخته تقول و انا و هو نعمل اللي عايزينه برضه 😂 متقرفوناش بقي دا بيتنا احنا 😂 اشطة طنط قالت كدا بجد؟؟؟ معقولة اختك قالتلك كدا ؟؟؟ 😳 طب تمام 😂 يقولوا اللي عايزينه بقي ، هو الكلام بفلوس 😂 -مش عايزة اتجوز عشان اطبخ طول الوقت و افضل انضف البيت و اشيل و احط فالغسيل 😂 مش جوي دا والله 😂 هي واحدة تيجي تنضف وانا حبقي اروق خفيف خفيف 😂 ان شاء الله ❤️ -عايزين نتصور كتيييييييير عشان نعمل ألبوم و نشوف كبرنا ازاي و اتغيرنا ازاي 😍 -عايزين نفضل ملخومين ف انبساطتتنا و سعادتنا حتي ف مشاكلنا ما يبقاش في فراغ و ملل و نت و روتين 😎✋🏻 -عايزة اتجوز حد مزعلش عالسنة اللي بكبرها ف بيته 😓 و ابقي فرحانة و اقول عقبال العمر كله بجد من قلبي 😍 -مش عايزة يبقي كل همي عيالي احسن ناس و اعيش عشانهم و الجو دا 🤔 مش انانيه والله ، بس عايزة اعيش معاهم و انبسط انا و هو بيهم و معاهم مش نتهلك و حياتنا تنتهي عشانهم 😓 طب وانا و هو فين 😎 فين الشقاوة ياض 😂 (من الاخر كدا مش عايزة اتجوز جوازة تكبرني بدري بدري ✋🏻 عايزة افضل صغيرة و اعيش سني سنة سنة ،حتي لو فيها مسؤلية و بيت و اسرة ،بس نبقي ناس مطاطية و متقبلة اي وضع مش بقي روتين و قرف و اللي نبات فيه نصحي فيه ) 😓😓 انا مش حتجوز غير اما ألاقي الشخص اللي روحه شباب و مجنون و مش عايز يكبر زيي 😍 و حيلاقيه ان شاء الله ) ❤️❤️ 
|
|
07 - 10 - 2016, 07:47 AM
|
رقم المشاركة : ( 2 ) | ||||
|
..::| الاشراف العام |::..
|
رد: عايزة اتجوز بس افضل زي ما انا
ههههههه يااااااااااااااريت كلنا كان نفسنا كده
بس انها الحقيقه المره ميرسى يا لولو موضوع رووووووووووووووووووووووووووووووووووعه |
||||
|
|
|
07 - 10 - 2016, 12:32 PM
|
رقم المشاركة : ( 3 ) | ||||
|
† Admin Woman †
|
رد: عايزة اتجوز بس افضل زي ما انا
مشاركة جميلة جدا ربنا يبارك حياتك |
||||
|
|
|
07 - 10 - 2016, 08:30 PM
|
رقم المشاركة : ( 5 ) | ||||
|
..::| الإدارة العامة |::..
|
رد: عايزة اتجوز بس افضل زي ما انا
رينا
مارى مينا ميرسي كتير على مروركم الغالى |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| العذراء لا عايزة نذور ولا عايزة عطايا |
| عايزة اتجوز |
| الصمت افضل من الغني العظيم والنعمه الصالحه افضل من الفضه والذهب |
| انا لية عايزة اتجوز؟؟؟ |
| أنا عايزة قلب ..عايزة اعيش |
العرض العادي
