+ الخادم مش مجرد لقب انما هو واحد عارف هدفه فين ورايح فين باصص علي مين طول الوقت.
+ هدفه قدام عينيه هو شايف المسيح وعاوز يوصل المسيح لكل أولاده وبينقل من حب الله لاولاده وعاوز أولاده يبقوا في حضن المسيح بأي طريقه بقي لعب ، درس ، صلاه ، تسبحة ، نشاط ، مؤتمرات ….
الطرق كتيرة جدا إنما الهدف واحد
+ مش باصص علي نفسه خالص ... أنا أبقى خادم مع مين ... و للا خدمة ايه ، أنا آسف ...
+ إنت خدام مش خادم ، خدام يعني تقول حاضر مش أنا مش بستريح مع فلان لا الكيميا بتاعتي مش راكبة علي فلان
يبقي أنا مش باصص علي ربنا انما باصص على نفسي إني أريح نفسي وأبسط نفسي
الخدمة الحقيقة فيها إخلاء لمشيئتي البشرية وهي شاقة ومتعبة مش ورد وزهور وفل وياسمين
