سؤال ومحتاج مناقشه؟؟

[Rena Jesus]

هل الخدمة في العلن من أجل المدح البشري سيكون لها اجر اخر سماوي !
،
وهل سيتساوى خادم العلن مع خادم الخفاء؟؟؟

[walaa farouk]

لا طبعا الخدمة إللى من أجل مدح الاخرين ديه مش خدمة
ومش ممكن يتساوى خادم العلن مع خادم الخفاء
لان لما نخدم احنا مش محتاجين اى حد يشوفنا
غير ربنا

[MenA M.G]

بكل بساطة

من يخدم فى العلن تكون مكافئته عند الناس
لكن
من بيخدم فى الخفاء تكون مكافئته عند خالق الناس
أيهما اعظم !

[Ramez5]

الخدمة مطلوبة فى العلن وفى الخفاء
فى العلن زى خدمة مدارس الاحد والمنتديات والكرازة .......
وفى الخفاء زى العطاء والمساعدات .............
هنا دور الخادم انه يقدم خدمة مرضية امام ربنا
وهو واثق أن له رسالة وانه صورة المسيح فى الخدمة ايا كانت
فى ناس ممكن تمدحك وتشكرك
لكن فى خدمتك عود نفسك انك تقول نشكر ربنا لانه هو اللى سمح لينا ناخد بركة الخدمة
فكل الشكر لربنا مش ليا ...
وحسب خدمتك ربنا هاعطيك بركات فى حياتك
بولس كانت خدمته فى العلن وبسبب وعظة واحدة امن ٣٠٠٠ شخص بالمسيح
هنا منقدرش نقول اى خدمة افضل العلن أم الخفاء

فاحط المسيح دايما امامك فى الخدمة سواء فى العلن او الخفاء

ربنا يبارك خدمتك

[sama smsma]

الخدمة فى العلن فعلا زى المنتديات زى ما قال رامز
انتى بتقدمى خدمة لغيرك من خدام الكنيسة
مش معقوله هاتكون مخفية ومش ظاهرة للناس
اللى هى انتى بتخدمى خدام مدارس الاحد اصلا
وبيدخلوا المنتدى عندنا وياخدوا اى حاجة محتاجينها للخدمة
والعظات اللى بيحتاجوها فى اجتماعات الكنيسة كمان
والتأملات واقوال الاباء والترانيم وغيرها اللى كلنا محتاجينها
دى خدمة فى العلن بتخدمى بيها غيرك وبتتعبى فيها وربنا بيجازينا عليها
يكفى انك بتتعبى علشان تريحى غيرك ويلاقى الحاجة اللى محتاجها فى خدمته

انتوا تعرفوا ان فى اباء رهبان بيدخلوا المنتدى عندنا
دة حقيقى واحنا عارفينهم
بيحتاجوا عظات وتأملات وترانيم وحاجات كتير روحية بتهمهم

ولازم معاها يكون فيها خدمة فى الخفاء ودى فى حياتك عموما
ماحدش يعرف عنها حاجة وتكون بينك وبين ربنا
اى كانت نوع الخدمة ومش لازم تكونى خادمة بالكنيسة علشان تخدمى ربنا
انتى ممكن تخدمى ولاده بطريق غير مباشر وتقربيهم للكنيسة
زيارة مريض او افتقاد او تعطى محتاج او تساعدى غيرك فى حاجة محتاجها
او تساعدى اسره فقيرة او تمسحى دموع الحزانى وتخففى عنهم و............و ..............

ربنا يبارك كل خدمة تكون من القلب لقلب يسوع
مهما كانت نوع الخدمة انها تكون لمجد اسمه مش لمجدى انا الشخصى

[Rena Jesus]

ميرسى بجد لأرائكم واهتمامكم
فعلا كل اللى اتقال ده هو الصح
وياريت كلنا نفهم الكلام ده

[morcos20]

+
الخدمة فى العلن مثل العظات وشرح آيات الأنجيل وخدمة يسـوع وأخــوة الــرب
والخدمة فى الخفاء كالعطاء ومساعدة الفقراء والصلاة بينك وبين الرب من القلب
+
مرقس إسـكندر مقار

[Rena Jesus]

ميرسى لمرورك الغالى

[بنتك انا]

الخدمة مطلوبة فى الخفاء وفى العلن
بس اهم حاجة انى الخدام مش يستنوا مجد من الناس

[اوفا]

اكيد لا ربنا بيحب الخادم المتواضع
اللى بينكر خدمته وتعبه وينسبه لاخواته
الخدام ولايد ربنا قبل الكل