شماس من غير راس

[Haia]

الساعة الأن الرابعة صباحاّ . الجو بارد جداّ . والشماس فى طريقه إلى الكنيسه .
فتح الكنيسه , دخل الهيكل . بدأ فى ترتيب كل حاجة لوحده . وبعدين نزل إلى صحن الكنيسه , وضع كتب الأجبيه والخولاجى المقدس على الكراسى .
وبدات صلوات رفع البخور . والشماس صدقونى عامل زى النحلة . كل حاجه عليه وهو مهتم بيها .
وبدأ القداس ..... والشماس أيه زى الموتور اللى مش ممكن يتوقف علشان يدير كل شىء .
هنا وهناك وفى كل مكان . بسرعة بيروح المكتبه علشان يشوف أن كل الأمور على مايرام .
وبسرعة يروح مطبخ الكنيسه علشان يطمئن على سير العمل .
وبسرعة يشوف فصول مدارس الأحد وفصولها . وبسرعة ...... أه أنا دوخت من متابعته !! حقيقى عامل زى البرق يظهر ويختفى بسرعة ..
وأنتهى القداس وأبونا بيوزع لقمة البركة .
شماس شماس . عايزك يا أبنى فى موضع مهم يخص الكنيسه والخدمة .
أتفضل يا أبونا .
لا يا أبنى مش وقته الأن , روح أستريح وأشوفك فى المساء .
لا يا أبونا أنا الخدمة فى دمى ومش ممكن أستريح قبل ما أحل المشكلة ....
روح يا أبنى وأسمع الكلام وعلى أولاد الطاعة تحل البركة ....
وروًح الشماس وفكرة بيشتغل . هو يا ترى فيه أيه ؟؟؟ أكيد مشكلة كبيرة وعايزينى ( أنا ) أحلها ليهم . فعلا ما يقدروش يعملوا حاجة من ( غيرى ) ..
وحل المساء وأبونا بيخبط على الباب .
أهلا يا أبونا شرفت ونورت .
شكرا ليك يا أبنى ...
أتفضل يا أبونا أتكلم وأنا جاهز للى قدسك عايزه منى .
بص يا أبنى _ عم سعيد سواق الأتوبيس اليوم ضرب واحد من الشباب بالقلم على وجهة وزعق فى كل اللى بيركبوا أتوبيس الكنيسه .
أزاى ده ده راجل قليل الأدب وال......
بلاش حلفان يا أبنى أنتى كمان اليوم متناول .
معلش يا أبونا أصل دى حاجة تفوّر الدم وعلى العموم أعتبر الموضوع منتهى و أنا ها أفصلة الان .
يا أبنى يا أبنى أنا جاى علشان نتباحث فى الأمر مش علشان تفصله ...
أزاى يا أبونا ده غلط ولازم يتعاقب ...
أصبر يا أبنى لازم نسمع منه أيه اللى حصل ومن حقه الدفاع عن نفسه !!
لا يا أبونا مفيش حجه ممكن تسامح فعلته الشنيعة ....
طيب يا أبنى _ حتى ولو قلنا أنه من الساعة الرابعة صباحاّّ بيلف وبيدور على بيوت أعضاء الكنيسه علشان يوصلهم ؟؟؟
لا يا أبونا دى حجج واهيه ...
شكراّ ليك يا أبنى من كل قلبى على أنك حكمت بالعدل .
عم سعيد ما عملش حاجة والكلام ده كله أنت عملته اليوم فى أثناء خدمتك والشعب شكى منك !!!!!!!!!!!!!!!!!!!!!!!!!!!!!!!!!!!!!!!!!!!!!

وهنا بدأ الشماس يتحسس رأسه

[Mary Naeem]

جميلة جدا يا هيا
هو شاف العيب فى السواق ومش قادر يحس بالعيب إللى فيه
الخدمة اساسها المحبة والتفاني من اجل الآخرين
من غير ما نحسسهم اننا بنتعب
بجد قصة رائعة يا قمر

[Haia]

المشاركة الأصلية كتبت بواسطة mary naeem

جميلة جدا يا هيا
هو شاف العيب فى السواق ومش قادر يحس بالعيب إللى فيه
الخدمة اساسها المحبة والتفاني من اجل الآخرين
من غير ما نحسسهم اننا بنتعب
بجد قصة رائعة يا قمر

ميرسى مارى على مشاركتك
ميرسى على تشجيعك
ربنا يبارك حياتك

[concord]

شكراً لموضوعك الجميل هو الواحد مننا كده بيشوف العيب
اللى فى غيره وهو مليان عيوب

[sendrilla]

ميرسي هايا عل الموضوع ربنا يبارك في خدمتك الجميله

[god is love]

طبع خطاْ الشماس واضح جدااا بالعكس دى مجموعه من الاخطاء
وكمان الاصعب انها من خادم لانه كده بيكون سبب فى عثرة كتير من الناس
لكن عجبنى اوى حكمة الكاهن فى علاج المشكله
شكراااا لكى كتير يا هايا على مواضيعك الهادفه القيمة
ربنا يفرح قلبك حبيبتى دايما

[بنتك انا]

بكلامك تتبررر وبكلامك تدان
شكرا ياهايا ربنا يباركك ويعوضك
كالعادة موضوع جميل جدا

[كاترينا]

نحن ننظر الى القشة التي في عين اخينا ولا ننظر الى الخشبة التي في عيننا
قصة جميلة جدا يا قمر
ربنا يباركك

[الصخره]

اوقات كتير بنشوف عيوب الناس ومش بنشوف عيوبنا

[Haia]

المشاركة الأصلية كتبت بواسطة mary naeem

جميلة جدا يا هيا
هو شاف العيب فى السواق ومش قادر يحس بالعيب إللى فيه
الخدمة اساسها المحبة والتفاني من اجل الآخرين
من غير ما نحسسهم اننا بنتعب
بجد قصة رائعة يا قمر

رائعة باستمرار مارى
ورائعة هى مشاركتك
ورائعة خدمتك
الرب يبارك حياتك