أنا يعجبنى أوى الناس اللى تيجى بصدق تقولك .. حلو اللبس ده .. برافو إتصرفت صح فى الموقف ده .. الله حلوة ريحة الـ perfume دى .. لما يشوفك يقولك وحشتنى .. لو شاف صورة ليك أو قرالك بوست عجبه يدوس لايك ويكتب كومنت يفرحك .. إلخ .
الناس دى عندها سلام داخلى وبينشروا طاقة إيجابية .. معندهومش مشكلة إنهم يقولوا كلام حلو إيجابى يفرحك .. ومش عايزيين حاجة فى المقابل ..
ومجرد ما تقف معاهم دقيقتين كده تلاقى يومك بقى جميل ..
الناس دى من جوه نضيفة وشبعانين جدآ وواثقين فى نفسهم .
فعلآ بحب أتعامل وأقابل ناس من دى كتير .. وبحاول إنى أكون كده .. ( الناس اللى تفرح )
