خطوات ال " هيبتا " نحو الجسم المثالى !

[Rena Jesus]

خطوات ال " هيبتا " نحو الجسم المثالى !





كثيرا ما نسمع عن الجسم المثالى او الرياضى ولا نعلم عن ماهيته شئ الا إن صادفنا مثال نراه ف نفهم المعنى ..
ولا يملك اغلبنا الارادة ل تحقيق هدف صعب كهذا الهدف ، ولا يملك الاصرار للمحافظة على طريقه نحو ذاك الهدف ..

لكن لحظة !! ،، اين هو الطريق ؟!

كفاية كلام ب اللغة العربية الفصحى و نتكلم عامى عشان محدش يمل و المعلومة تثبت

فيه 3 فصايل من الاكل بيحتاجهم الجسم عموما .. الفيتامينات ؛ البروتينات ؛ الدهون ..

ايه هى الفيتامينات ؟؟
دول من الآخر الفاكهة و الخضار ..

طب ايه البروتينات ؟؟
البروتينات نوعين : بروتين حيوانى (فراخ ؛ لحوم ؛ أسماك ) ،
و بروتين نباتى (بنسب مختلفة ف كل انواع الخضار و اللى مليان فايبر خاصة)

و ايه الدهون يابو الكباتن ؟!
الدهون نوعين :
دهون مشبعة (مضرة للجسم و لكن بيحتاجها للناس اللى بتعمل مجهود Overloaded على الجسم زى ؛ السمنة و الزيت و الزبدة) ،
دهون غير مشبعة (الجسم بيحتاجها و بتمثل احتياج اساسى ليه و غير مضرة اطلاقا زى ؛ زيت الزيتون و المكسرات و زيت السمك)

- طب كويس فهمت كدا .. ايه المطلوب عشان اوصل ل جسم كويس ؟!





= خطوات تقليل الوزن هى خطوات عمومية لازم الكل يمشى على نفس بدايتها و سرعة النتايج بتختلف من الشخص للتانى :

اول خطوة " 1 "

لازم نعرف الجسم زايد من ايه و كيفية انقاص الوزن دون مشاكل على الاعضاء الداخلية للجسم ..
هل زيادة الاكل عموما ؟! ؛ هل زيادة اكل السكريات ؟! ؛ هل عوامل وراثية ف الاصل ؟!

تانى خطوة " 2 "

نبدأ نعالج مشكلة زيادة الوزن مع عدم استعجال النتايج اطلاقا ..
سيب الجسم ياخد راحته لكن ب عدم تقصير منك ف طريقك نحو هدفك ..

الخطوة الثالثة " 3 "

وضع برنامج غذائى يناسب ظروف الجسم .. مع الوضع ف الاعتبار و ف الحسبان ان كل جسم مختلف تماما عن التانى ..
مختلف ف المضمون و الطبيعة و الاستجابة لأى عوامل بيتعرض ليها ..
و الفيصل هو الجينات الموروثة و النشطة فيه ..

الخطوة الرابعة " 4 "

لازم نعرف عن حاجتين مهمين : السعرات الحرارية ؛ و طريقة حرق الدهون

اولا : السعرات الحرارية ليها نسب حسب كل طبيعة اكل بيدخل جسمك ب اختلاف النسب ديه ؛ كمان ليها عدد معين بيحتاجه الجسم و الفائض بيتجزن دهون !!

ثانيا : أثبت علميا ان الدهون بتتحرق لما يدخل الجسم اكسجين كتير (الاكسجين هو بنزين الجسم ) ،
ف الجسم بيشتغل زى الماتور بيحرق من الدهون اللى فيه و بينتج نتيجة عملية حرقها ' ثانى اكسيد الكربون ' ..
ف يبدأ الجسم ينقص سعرات حرارية من المخزون اللى عنده خطوة ب خطوة وصولا الى هدفك ..

الخطوة الخامسة " 5 "

من اخطر الامور اللى ممكن تعملها و تأذيك اذى مباشر و حتى لو خسيت هتزيد ف الوزن اول ما تبطل ؛ انك تجوع نفسك !
الجسم بيتسعر .. بتبقى جعان و عايز ياكل اى حاجة و كل حاجة ..
اول ما تديله حاجة بيحبها او بيشمها هيدوس على ارادتك زى ما دوست انت عليه و هيموت حلمك ف جسم مثالى او اقرب للمثالية (جسم كويس)

و علميا الجسم بياخد 50% من استهلاكك البدنى من التقاوى اللى بتديهاله و بيخزن ال50% الباقيين تحسبا ل حالة المجاعة اللى حاسس بيها هو و بيكون مستعد ليها ..
و ديه اثبتت قدرة الله و اعجازه فينا انه خلقنا ك آله اسمها ' الجسم ' تقدر تتكيف و تتعايش مع كل ما هو موجود و متاح و تتأقلم للحياة عشان متموتش ولا تضر نفسها على قد ما تقدر بل احنا اللى بنضرها

الخطوة السادسة " 6 "

التعود !!
مرحلة البداية بتكون اصعب مرحلة ف العموم ..
انك نفسيا تتعود على العادات الصحية اللى هتتبعها لما تكون مقتنع بيها و مقتنع ب قدرتك على تحقيقها مهما كلف الثمن ..
و تعود الجسم على النظام الجديد الغريب عليه و اللى هيدوم فترة كبيرة جدا قدام و انه يكون صحى بعد ما كان رمرام لأى اكل الشهوة محتاجاه

أبعد عن الفشلة و قتلة الروح .. بيحاولوا على قد ما يقدروا يخلوك فاشل زيهم .. مش هتقدر ، مش هتعرف ، مش هتوصل ، كله عمل زيك و فشل !
كل الكلمات ديه كدب و انت قادر ..

المرحلة السابعة " 7 "

الهدف تحطه قدامك دايما .. تبدأ صح عشان تكمل .. متاخدش اى حاجة صناعية سواء Fatburner او غيره ،
و ممكن تجرب ؛ لكن متستناش نتيجة ..
هتبدأ صح هتوصل ل هدفك مهما كان الطريق صعب لان الطريق السهل دايما مبيوصلش ل حاجة

[walaa farouk]

ميرسي على مشاركتك الجميلة رينا

[Mary Naeem]

مشاركة جميلة جدا

ربنا يبارك حياتك

[Rena Jesus]

ميرسى على مروركم الغالى

[marit jesus]

ربنا يعوض تعب محبتك

[MenA M.G]

موضوع مميز .. مشاركة رائعة
ربنا يبارك خدمتك

[Rena Jesus]

ميرسى لمروركم الغالى