_قوم يا ماجد هاتلي اشرب !
_مش قادر يا بابا ...هجبلك كمان شويه
_قوم يابني خلي عندك دم ..امال انا مخلفك ليه
_وانتوا مخلفينا عشان تشغلونا وتذلونا !!
_اشغلك فين يا ابن ال...... ..ده انا بقولك هات مايه اشرب.. امبوووه.... ..
وبعدين لو ده هيريحك ..اه مخلفك عشان اذلك واطفي السجاير فى جسمك ...واحط التلجه في قفاك
_ طب وانا ايه اللي يجبرني استحمل عيشه زي دي....
انت عارف في اوروبا ممكن ابلغ عن اهلي عشان تعاملهم الوحشي معايا ؟!
_ اللي يجبرك ...هو هو بالظبط اللي أجبرني اني اتنيل واتجوز امك ... وتنسي في يوم استخدام الوسيله ...
و تيجي تقولي الحقني اختبار الحمل عمل شرطتين ... فأجري علي دكتور النسا ادفع كشف ومتابعه ...
وسونار ثلاثي الابعاد ب 500 جنيه عشان اشوف طقاطيع وشك .. ورجلك وايدك ..
عشان امك مقدرتش تصبر تشوفك بعد تسع شهور ..وقالت تطمن ان الواد مكتمل مش ناقص ...
مكنتش تعرف انك لما تكبر هتبقى...........
...
كانت بتصحيني الساعه 3 الفجر تقولي الحق الواد بيتحرك ..
...كانت كل شويه تخليني اوطي بودني علي بطنها عشان اسمع صوتك وانت بتفرك جوه ..
لحد ما طلعلي اتب زي مانت شايف كده ...
صحيت بليل الساعه 3 الفجر جريت علي المستشفي عشان امك بتولد ..
دفعت 3 الاف جنيه ولاده ... وبعد كده جبت بامبرز وبافتات ..ولبس اطفال وبدله الظابط
_بس بس هقوم هقوم اجبلك تشرب
_استني استني انت فكرتني بايام زباله كلها ....و بفلوس المدرسه اللغات اللي دفعتهالك ...
والدروس الخصوصيه ....ويوم ماكنت بسيب شغلي واروحلك المدرسه عشان اخلاقك الزباله ومشاكلك ...
ويوم ما جبتش مجموع في الثانويه وقولتلي عاوز ادخل طب يا بابا ...جايبلي 50% وعاوز طب يا حيوااان !!
طب قول شرطه .... لازم يعني فزلكه ...وسقطت اربع سنين ...
واول ماتخرجت عاوز مني عربيه وعاوز تتجوز البنت اللي بتحبها وهي بتحبك
وانا اللي هدفعلك الشبكه والمهر والعفش واجبلك الشقه ..وانت داخل بالمجهود اسمالله عليك ...
وفي الاخر بتقولي لو في اوروبا ابلغ عنك ...
_ بابا بابا انت بتعمل ايه .... المطوه دي هتعمل بيها ايه ...لا لاااااا
**بيطلع وصل امانه بمليون جنيه .**
_امضي يا اشول...قصدي امضي يا ماجد ...امضي ع الوصل ده بدل وديني ما اغزك
_ وصل ايه يا والدي يا احن اب...ياسيد الناس ؟!
_امضي يا ابن ال...........
_حاضر حاضر
** بيمضي الوصل **
_دلوقتي انزل بلغ عني جمعيه حقوق الانسان ..والمركز الثقافي الروسي ...وقسم العجوزه ...
انا هشغلك بالفلوس اللي صرفتها عليك العمر كله يا ابن ماما يا نايتي
اجري انجررر هاتلي مايه...
_حاضر يا والدي
_والدي ؟! الله ع الادب ....وتعالا بسرعه عشان تطقطقلي السمانه واعملي مساج في عظمه الترقوه
عشان قافشه... يلا عشان اخصملك خمسه جنيه من وصل الامانه ...
يلااا انجزززز.... انجز يا ميجوووووو احبيب البي
منقوووووووووووووووووووووووووول
