المحبة لا تسقط ابدا

[فرونكا]

بسم الاب و الابن و الروح القدس الاله الواحد امين
مسرحيه المحبه لا تسقط ابدا

بيشو : يدخل على المسرح ( كان فيه عنقود عنب طلع من غير اوان خدة راهب من الرهبان وادة لرئيس الدير)

ابانوب: ههههههههه.. ايه الصوت الوحش دة
بيشو: انا صوتى وحش طيب يا عم معلش
ابانوب: وبعدين ايه الترنيمه اللى انت بتقولها دى كان فيه عنقود عنب
بيشو: ايوة دى ترنيمه جميله خالص
ابانوب: يسلام بامارة ايه بقى ايه يعنى لما عنقود عنب يطلع عادى خالص
بيشو: ممكن تكون حاجه عاديه لكن اللى مش عادى اللى عامله الراهب بالعنقود
ابانوب: نعم.... عمل ايه يعنى اكيد اكلو طبعا لانى كان لذيذ وطعمه حلو يا بخته
بيشو: لا طبعا معملش كدة
ابانوب: امال عمل ايه ... اةاة قصدك غسله الاول يعنى علشان ينطف عادى
بيشو: غسل ايه انت بتفكر ازاى ... الراهب دة خد العنقود وراح لراهب تانى كبير فى السن علشان يا اكله هو
ابانوب: اة وبعدين اكيد فرح بيه قوى واكلو بقى يا بخته
بيشو: لاء يا فالح معملش كدة الراهب الكبير قاله انا مستحقهوش فيه واحد تانى غيرى يستحقه اكتر منى تعالى ندهوله وفضل العنقود دة يلف على كل الرهبان وكل راهب ياخدو يقول انا مش استاهلو فى راهب غير ياكلو لحد ما وصل تانى لرئيس الدير فرح اوى وراح جمع الرهبان وقالهم انا شايف انى فى بينكم محبة قوية زى ما علمنا يسوع المسيح والمحبة دى وراح طلع عنقود العنب وقالهم انى دة عنقود المحبة لانى ولا واحد فيكم رضى انى ياكلو وراح يدية لاخوة لحد ما رجعلى انا تانى
ابانوب: ايه دة هو مفيش حد هياكل العنقود دة ولا ايه دة شكله حلو قوى
بيشو: يا ابانوب الترنيمه دى بتبين لينا قد ايه المحبه اللى كانت بين الرهبان وبعضيها
ابانوب: يعنى ايه محبه ... انا مش فاهم
بيشو: معقول فى حد فى الدنيا مش يعرف يعنى ايه محبه
ابانوب: لاء عارفها بس يعنى
بيشو: المحبه دى هى اساس الحياة .. ربنا قالنا المحبه لا تسقط ابدا .. وكمان حبو بعضكم بعضا كما احببتكم
ابانوب:ايوة ايوة ... فاهم فاهم
بيشو: فاهم ايه تقدر تقولى ربنا حبنا ازاى ؟
حد فيكم يقدر يقولى ربنا حبنا ازاى ؟ (حوار مع الاطفال)
ابانوب: ايوة لما لما ..... مش عارف قولى انت !!!!!!
بيشو : معقول ! انا اقولك ربنا نزل من السما علشانا مشى كانسان زينا اتعذب واتصلب من اجلنا فدانا كلنا يبقى بيحبنا ولا
ابانوب: بيحبنا معقول ربنا عمل دة كله علشانا احنا وإحنا مش عارفين نحب بعض
بيشو: شوفت بقى وكمان فى ايات كتير فى الكتاب المقدس عن المحبة كلمنا عنها القديس بولس الرسول وقال
كورنثوس الاولي اصحاح 13

4الْمَحَبَّةُ تَتَأَنَّى وَتَرْفُقُ. الْمَحَبَّةُ لاَ تَحْسِدُ. الْمَحَبَّةُ لاَ تَتَفَاخَرُ، وَلاَ تَنْتَفِخُ، 5وَلاَ تُقَبِّحُ، وَلاَ تَطْلُبُ مَا لِنَفْسِهَا، وَلاَ تَحْتَدُّ، وَلاَ تَظُنُّ السُّؤَ، 6وَلاَ تَفْرَحُ بِالإِثْمِ بَلْ تَفْرَحُ بِالْحَقِّ، 7وَتَحْتَمِلُ كُلَّ شَيْءٍ، وَتُصَدِّقُ كُلَّ شَيْءٍ، وَتَرْجُو كُلَّ شَيْءٍ، وَتَصْبِرُ عَلَى كُلِّ شَيْءٍ. 8اَلْمَحَبَّةُ لاَ تَسْقُطُ أَبَدًا

ولما بنتكلم عن المحبة يعنى بتكلم عن ربنا لانى اللة محبة

بيشو: بابا يسوع هو اللى قالى كدة وانا بسمع كلام بابا يسوع
ابانوب: وانا كمان هسمع كلام بابا يسوع وهروح اصالح اصحابى الى زعلان منهم

بيشو: تعالى بقى نسمع الترنيمة الحلوة دى (كان فى عنقود عنب )

[walaa farouk]

ميرسي على مشاركتك الجميلة

[Mary Naeem]

مشاركة جميلة جدا

ربنا يبارك حياتك