ما تتسربعش وأنت بتقرأ

[walaa farouk]

(ادرس عشان تثبت نفسك للإله)

ع الكتاب 2 تيموثاوس 15:2
"اجْتَهِدْ أَنْ تُقِيمَ نَفْسَكَ للإله مُزَكُى، عَامِلاً لاَ يُخْزَى، مُفَصِّلاً كَلِمَةَ الْحَقِّ بِالاسْتِقَامَةِ."

نحكِّي شوية؟!

كتابك المقدس ده مش مجلة ميكي أو رواية بتقلب صفحاتها؛ ده أهم كتاب على كوكب الأرض، لأن فيه كلمة الإله. ده كُتيب تعليمات الإله للعيشة الناجحة والحياة المجيدة. عشان كده، لو فيه أي كتاب يستحق انتباهك الشديد من غير تشتيت، يبقى هو الكتاب المقدس. وقت دراستك للكلمة ما ينفعش يكون في وسط أنشطة تانية، لأن ده حاجة مهمة جدًا، والأهم، لما تقرأ كتابك، ما تتسربعش كأن فيه قطر بيجري وراك؛ ادرسه بالراحة وبتأمل.

هو مجموعة من الدروس الضرورية والممتعة، ولو أنت اتسربعت وأنت بتقرأ، ممكن يفوتك تفاصيل حيوية روح الرب عايز يوصلها لك. عشان كده، بولس نصح تيموثاوس إنه "يدرس" مش إنه "يقرأ". دراستك للكتاب بتتطلب اجتهادك الدقيق، لما تبقى ممزوجة بمَسحة الروح القدس بينعش، وينوَّر، ويقوِّي روحك. خلال دراستك، فكَّر بعناية في كل كلمة، في كل سطر، في كل جملة، وكل آية. حلِّل كل فكرة من خلال إلهام الروح القدس. ممكن كمان يبقى معاك قاموس للكتاب عشان تدور على معاني الكلمات اللي مش معروفة، لأن ده هيساعد، ويُغني دراستك للكلمة. وافتكر برضه إنك تخلي جنبك نوتة وقلم، فتقدر تكتب الأفكار اللي بتيجي لروحك وأنت بتدرس باجتهاد الكلمة.

والأهم، الهج في الكلمة وأنت بتقراها، خليها تغوص جوه روحك. اعترف بيها وقولها مرة ورا التانية لغاية ما تكون مُسيطرة على تفكيرك. دي الطريقة اللي بيها تدرس كتابك وتلاقي نفسك في حياة منتصرة.

ادخل للعمق:

مزمور 9:119 "بِمَ يُزَكِّي الشَّابُّ طَرِيقَهُ؟ بِحِفْظِهِ إِيَّاهُ حَسَبَ كَلاَمِكَ."

2 تيموثاوس 16:3 "كُلُّ الْكِتَابِ هُوَ مُوحًى بِهِ مِنَ الإله، وَنَافِعٌ لِلتَّعْلِيمِ وَالتَّوْبِيخِ، لِلتَّقْوِيمِ وَالتَّأْدِيبِ الَّذِي فِي الْبِرِّ."

صلِّ

بابا حبيبي، أشكرك على كلمتك. لما بأقضي وقت وأنا بأدرسها، روحي بتتقوى، وبأبرمج نفسي لحياة عظيمة من النجاح، باسم يسوع. آمين.

اعمل:

لما تدرس كتابك المرة الجاية، اقضِ وقت مُحترم في كل فقرة. افهم اللي الكتاب عايز يقوله قبل ما تروح للآية اللي بعديها. كمان اتأكد إن تدرس الكلمة حسب القرينة (اللي هي خلفية كل آية).

[Mary Naeem]

مشاركة جميلة جدا

ربنا يبارك حياتك

[walaa farouk]

ميرسي على مرورك الغالى مارى