|
 |
 |
 |
|
رقم المشاركة : ( 1 )
25 - 06 - 2012, 04:42 PM
|
|||||||||||
|
|||||||||||
|
أول خطاب.. صلاحيات الرئيس فين ؟!  كتب: رشا عبيد منذ 1 ساعة 20 دقيقة "على فكرة بالمنظر بتاع التويتر ده مش هيعيشلنا ريس .. بالراحة على الريّس يا جدعان ده جديد ولسه مُنتخب! ".. هكذا كتب وائل غنيم في تغريدته ردا على التعليقات التي وردت على الفيس بوك وتويتر فور إلقاء د.مرسي أول خطاب له بعد فوزه بالرئاسة، والتى تباينت ردود أفعالهم تجاهه ما بين مؤيد ومعارض أو رافض للنقد مع بداية تولي مرسي المنصب. ومن بين هذه التعليقات كتب محمد محسوب : خطاب توافقي وتصالحي .. أقدر عبارات التصالح والتواضع والتسامح والرجوع إلى تراثنا العظيم في مساءلة الحاكم والدعوة للاصطفاف والتوحد لمشروع واحد. وكتب محمد: الناس بيطالبوا من أول الثورة بتطهير الجيش والشرطة والقضاء, وأول حاجة شكر فيها رئيس "الثورة" الجيش والشرطة والقضاء! ورد بلال فضل في تغريدة له: أنا مش مصدق إن في ناس بتنتقده بجد لأنه شكر في الشرطة والجيش والقضاء. المفروض عشان يبان ثوري يبرق ويقول لهم سأقضي عليكم جميعا. ارحمونا يا جدعان وفي تغريدة أخرى له كتب: انبسطت إن في كلمات اختفت من الخطاب زي" لم أكن أنتوي، وأبنائي، وإنه ليحز في نفسي".. بس ياريت الخطاب الجاي بلاش عشيرتي دي عشان بتؤكد إنه من نسل عنترة . وكتب أحمد : مرسي ناقل من أبو بكر الصديق: "وليت عليكم ولست بخيركم"، و "أعينوني". طيب ما تكمل زي ما قال أبو بكر: "و إذا أسأت فقوموني"؟ ولا دي مش حقنا؟ وأضاف مينا: على النعمة رئيس زى العسل أنا حبيته والله العظيم لم يتطرق لصلاحياته ولأن الخطاب كان مجرد خطابا لبث عدة رسائل هدفت إلى طمأنة جميع المصريين بكل طوائفهم, دون أن يتطرق لموضوعات أساسية مناسبة للظروف التي تعيشها مصر, فكتب هيثم : ماجابش سيرة صلاحياته !! الخطاب خلص ؟؟ شكر الجيش والتوك توك والتاكسي الأبيض ومشي ؟ وكتبت مروة: هو ليه ماجابش سيرة الصلاحيات، والإعلان المكمل، والمعتقلين ،والحاجات المهمة الطبيعية يعنى؟؟!! وكتبت رشا: الحاجة اللي كنت بحبها في مرسي, إنه بيتكلم من غير ورق ... ليه بقى لما فاز وبقى رئيس هيضايقني ويقرأ من ورقة, عايزة رئيس يكلم شعبه زي ما الأب بيكلم ولاده ... ولا انتم شوفتم أب بيكلم ولاده من ورقة !!!!! وعلى الفور وردا على ما قاله د. مرسي "سأكون على مسافة واحدة من الجميع".. وع كتبت نادية : لا يا د. مرسي إحنا عايزين نلغي جملة علي مسافة واحدة دي. . . إحنا ورمنا من الجملة دي وكتبت كوثر : ندالة ماسبيرو . سابو مرسي من غير سكرين يقرأ منه وخلوه يقرأ من الورق ! وعلق مجدي : سيذكر التاريخ أن محمد مرسى أول رئيس مصري يقول " التوك توك" النبي تبسم ومنهم من ترك الخطاب بتعبيراته وكلماته وتطرق إلى الشكل الخارجي فكتبت لبنى: أعتقد إن أول مهام مرسي كرئيس جمهورية منتخب لازم تكون تغيير نضارته بنضارة "فريمليس". وعلقت ريم : والنبي تبسم وكتبت دعاء : صراحة مرسي مش عاطفي أبدا كرئيس, بس الحمد لله بيتكلم عربي كويس وبيقول كلام عادي كده زينا, مش أيها المواطنون, يمسيك في طرة يا حسني. ورانا ماتش خطاب مرسي بالأمس, يعد ثاني خطاب مطول يستمع إليه الشعب المصري في هذا اليوم بعد البيان المطول الذي ألقاه المستشار فاروق سلطان قبيل إعلان النتيجة النهائية, ولهذا بدا على الشعب الرغبة في الإنجاز وعدم الإطالة, فكتب كريم : و حياتك انجز شوية عشان احنا في الألفية التالتة وده مش خطاب لسعد باشا زغلول! وكذلك كتبت حنان: هو بيعيد كل كلمة مرتين ليه ؟! وقال مهدي : الله يسامحك يا د. مرسي ضيعت ربع ساعة من الماتش علشان أشوفك.. وأنت جاي تنقط. بوابة الوفد الاليكترونية 
|
 |
|
العرض العادي
