محتاجه مشوره

[Rena Jesus]

كتبت فتاه مشكلتها على احدى صفحات الفيسبوك قائله
زميل ليا جالى وقالى انه بيحبنى وطلبت منه يتقدم لاهلى وافقوا عليه فى الاول وبعدين رفضوه بشكل مهين جدا والكلام ده حصل لان والدتى المتحكمه فى البيت وهى شخصيه متقلبه جدااا وهى السبب اللى خليتنى أتعلق بيه واتعشمت انه خطيبي ورفضها لانه اقل مننا ماديا واجتماعيا والكلام ده كان واضح من البدايه وكانت موافقه
مقدرتش الغيه من حياتى وعدنى انه مش هيفرط فيا وانا كمان وعدته انى هتمسك بيه بس بعد فتره من مشاكل والدتى معاه ومع اهله واهانتها ليهم مستغله وضعهم الضعيف بالنسبه لينا وكل ده علشان يبعد وفعلا بعد عنى وانا بررت لنفسي ان السبب فى عمايل والدتى ، اقنعت والدتى واخدتها وزورناهم فى بيتهم مكنش موجود واهله قالوا انه خطب ،مصدقتش وجريت عليه علشان اسأله واتأكد عاملنى وحش جدا واهاننى بعدت عنه عرفت من ناس يعرفوه انه مدمر نفسيا واضطر يخطب علشان ينسانى من باب اليأس وبعدها بفتره كمان فسخ خطوبته وندم على انه أتخلى عنى ودلوقتى بعد مرور ٣ سنين عاوز يرجع وبيقول طول الفتره اللى فاتت مقدرش ينسى واهله هم اللى شجعوه انه يخطب علشان يساعد نفسه انه ينسانى ويعيش حياه جديده من غيرى ،انا فى حيره من أمرى هل هو له عذره بسبب مواقف اهلى اللى كسرته ولا ميستاهلش منى انى أسامحه
من فضلكم انا نفسيتى تعبانه جدا بسبب الأحداث دى كلها محتاجه مشوره

[walaa farouk]

رأيي لو بتحبيه يبقى هتسمحيه
وكويس جدا أنه فكر يرجعلك بعد إهانة أهلك لي
وده دليل على. ان هو بيحبك فعلا

[Mary Naeem]

الموضوع دخل فيه تجريج من الناحيتين

مش ممكن النفوس هتصفي

هتعيشي بمشاكل

ابعدي عنه احسن

[Rena Jesus]

انا من رأيك يا مرموره صعب هتبقى الحياه ما بينهم حتى لو عملوا نفسهم نسيوا الاهانات
ميرسى ولاء ومارى لمروركم

[dodo dodo]

كملي معاه
بعد اهانة اهلك ليه ولسه عايزك يبقي بيحبك جدا
هتعيشي مبسوطه معاه وهتنسوا بالمحبه كل الاهانات