|
 |
 |
 |
|
رقم المشاركة : ( 1 )
10 - 06 - 2016, 10:45 PM
|
|||||||||||
|
|||||||||||
 اطفال صغيرين لسه ف ابتدائي .. ورد لسه بيفتح .. من كنيسة العدرا مريم _المحطه_ عزبة النخل.. من شويه حضروا القداس مع بعض .. مع خدامهم .. رفعوا قلوبهم البريئه لفوق مع عيونهم اول ما الكاهن قال ف القداس : ارفعوا قلوبكم .. ردوا بصوت واحد : هي عند الرب .. مكنوش عارفين ان المره دي الجمله مختلفه .. نفس الجمله اللي بيقولوها كل قداس كان معناها النهارده كبير .. خرجوا من القداس فرحانين .. ف عيونهم ضحكه .. واحد منهم جري ع الخادم وسأله : هنطلع الرحله امتي يا استاذ ؟! .. قاله : دلوقتي .. هنطلع دلوقتي يا حبيبي .. ركبوا الاتوبيس بسرعه .. كانوا مستعجلين .. عايزين بوصلوا ف أسرع وقت .. طول الطريق بيهزروا .. وبيضحكوا .. وبيصلوا .. الخادم قالهم : كل سنه وانتوا طيبين يا حبايبي .. امبارح كان عيد الصعود .. سأله واحد منهم : يعني ايه صعود يا استاذ ؟! .. ضحك الأستاذ وقاله : يعني بابا يسوع صعد للسما .. سبقنا ع المكان اللي كلنا هنروحه ف يوم م الأيام .. هو هناك مستنينا .. سأله واحد منهم : هي السما حلوه يا استاذ ؟! .. ضحك الاستاذ وقاله : حلوه اوي يا حبيبي .. مفيش احلي منها .. ويا بخت اللي يعيش هناك فجأه حسوا بحركه غريبه .. الاتوبيس بيتقلب .. والضحك اتحول دموع .. ف ثواني المشهد اتغير .. والدم غرق الكراسي واللعب .. 3 من الاطفال اللي ف الاتوبيس ماتوا .. ماثيو ويوسف وستيفن .. والخادم بتاعهم استاذ فادي .. كل الناس مصدومه .. وموجوعه .. ومش مصدقه .. ولد صغير م اللي كانوا ف الاتوبيس جري علي حضن مامته وهو بيعيط .. سألها وهو قلبه بيترعش م الوجع .. فين صحابي اللي كانوا قاعدين جنبي .. فين صحابي اللي كانوا معايا .. راحوا فين يا ماما ؟! ..خدته ف حضنها بحنيه وردت عليه بصوت هادي ومليان دموع : سبقونا ع السما الحلوه .. ونفوسهم ف حضن ربنا .. عند ربنا .. هي عند الرب " 
|
|
11 - 06 - 2016, 12:28 PM
|
رقم المشاركة : ( 2 ) | ||||
|
† Admin Woman †
|
رد: ملائكة كنيسة عزبة النخل فى أحضان المسيح
ربنا يصبرهم اهلهم
وينيح نفوسهم |
||||
|
|
|
11 - 06 - 2016, 02:11 PM
|
رقم المشاركة : ( 3 ) | ||||
|
..::| الإدارة العامة |::..
|
رد: ملائكة كنيسة عزبة النخل فى أحضان المسيح
اميييين يا مارى يارب |
||||
|
|
 |
|
العرض العادي
