تداريب قبل اسبوع الآلام و ما تبقى من الصوم الكبير

[sama smsma]

تداريب قبل اسبوع الآلام و ما تبقى من الصوم الكبير


((اختار 1 أو 2 فقط)):


+ التركيز فى القراءة الروحية بتمعن ( حفظ ؛ تأمل ؛ فهم)

+ استبدل الكلام العادى بصلاة يسوع.

+ زود قداس على برنامجك الروحى حبذا لو قداس متأخر.

+ شد على جسدك: الأكل بحساب.. لا تنوع فى الأكل كثير..

اطلع بالانقطاعى او ابدأه لو لم تتعود عليه.

+ احفظ نصوص كتابية: السامرية؛ المخلع؛ المولوداعمى..

+ امنع او اختصر التلفزيون و التليفون.

+ حاول تطلع خلوة يوم او يومين ( اطلع الجبل علشان تشبع بربنا)

+ زود مطانيات بخصوص الخطية المزمنة فى حياتك واطلب ربنا بالحاح للتخلص منها.

+ اعلى بمستوى الرحمة: خدمة.. زيارة مرضى.. طلع اكتر من العشور.. اعمل خير مضاعف لمن حولك.

+ ذاكر الموعظة على الجبل (متى5؛6؛7 )

+ اعترف؛ فالاعتراف يعطيك دفعة للأمام.

+ اسأل اقرب الناس تعبانة منك فى ايه؛ ولاتدافع عن نفسك
ولا تعذر نفسك لكن شوف حل.
+ اطلب بالحاح ثمرة من ثمار الروح القدس و تجاهد فيها

(زود يارب ايمانى؛ او مثلا التعفف وهو ضبط النفس: اتحدى رغباتك و تبقى شديد مع نفسك..)

+ اقرأ كتاب روحى بجانب قرآتك بالأنجيل؛

او اعمل لنفسك مؤتمر خاص من خلال cd

+ حسن علاقتك بكل من حولك. *يعنى تجاهد برة وجوة.
* كل ده يجى بالتركيز؛ لو ركزت و جاهدت هتتغير


أبونا داود لمعى

[Mary Naeem]

+ استبدل الكلام العادى بصلاة يسوع.

[بنتك انا]

تداريب جميلة
ربنا يدينا ونعمل
ميرسى ياسمسمة ربنا يباركك

[walaa farouk]

ميرسي على مشاركتك الجميلة سما

[حنان بنت المسيح]

تداريب جميله ومهمه جدا
محتاجين نعملها فعلا فى الايام المقدسه دى
ربنا يبارك خدمتك ديما حبيبتى سما

[sama smsma]

حبايبى ربنا يفرح قلبكم ويكون الصوم سبب بركه فى حياتنا كلنا امين

[نسيت اكتب اسمى]

+ حاول تطلع خلوة يوم او يومين ( اطلع الجبل علشان تشبع بربنا)

[ابانوب الجنتل]

تداريب مفيدة جدا
ربنا يباركك