نصائح هامه جدا لنكون على استعداد للصوم الكبير

[Mary Naeem]

نصائح هامه جدا لنكون على استعداد للصوم الكبير

الصوم الكبير هو موسم التغيير.
تعالوا الاسبوع ده نقرا متى 5 و 6 و 7 و نكتشف مرضنا الروحى .
صدقونى فى ناس لما بتكتشف مرض جسدى بتنسى كل حاجة و يبقى تركيزها فى العلاج .
محدش يبدأ الصوم و هو زعلان من حد . من هنا ليوم الأحد تعالوا نصالح اى حد زعلان مننا . هتكلفك إيه كلمة آسف.
طرق كتير . رسالة او تليفون او زيارة او هدية .
ارجوكم لو كان السبب فلوس خليك كبير و سيب . ارجوك تبادر و حط الفلوس تحت رجليك و رجليه
الشيطان الكداب يجى في الحتة دى و يقولك حقك . ارجوك متطاوعش الشيطان .
اخسر الفلوس و اكسب النفوس .
لو عملت كده هتدوق صوم عمرك ما دوقته.
لان ربنا يعوض الارضيات بالسماويات
فكرة تانية مناسبة يقولها الاباء .
انك تفكر ان ده ممكن يكون اخر صوم ليك و انت عارف قد إيه ده صوم غالى فى عين ربنا .
ازاى هتقضيه . الصوم عبارة عن حب
كل يوم فى الصوم خسارة يفوت .
كل يوم ده علاج ليك انت .
فى ايام الصوم اسمع اكتر ما تتكلم و ما تسمعش اى كلام . دى وصية للستات.
يعنى لو حد متالم اسمعه و صلى
و لما تتكلم ، اتكلم بكلام ربنا
من يتكلم كاقوال الله

على آخر الصوم تلاقى السما بتقولك . شفتاك يا عروس تقطران شهدا.
فى ناس بتحب القراة . تخلص سفر فى إسبوع
خدوا اللى تقدروا عليه بس ادخلوا الصوم فرحانين
احنا بندخل الصوم علشان نركز في ربنا
حاجة كمان لازم تزود قانونك الروحى
كل حاجة بتعملها فى الصوم بتزود الجرعة
لو بتقعد على الفيس ساعة خليها نص و زود صلاة.
قصقص من كل المشغوليات . كلام الناس الزيادة لازم يختصر .
من لا يضيق على لسانه و بطنه لم يعرف الصوم و طريق الباب الضيق .
فكرة كمان : تزود عمل الرحمة و هتلاقى ناس حواليك كتير محتاجين
كمان تتحاشى 3 خطايا مسهوريين في الصوم .
الغضب و الادانة و التذمر
لما تلاقى الاكل مش عاجبك بلاش تذمر . دى للرجالة
لو ملقتش اكل ، كل فى نفسك ، افتكر الناس اللى مش لاقيين ياكلوا و لا صوم و لا فطار .
واضح ان احنا فى حياتنا مرفهين قوى .
مناسب اننا نصلى للاجئين عموماً. طيب احنا ربنا ادانا معجزة فى بلادنا . كان ممكن نكون باولادنا زيهم .
احنا مقصريين في الصلاة من اجل اخواتنا فى سوريا و العراق.
مناسب فى الوقت ده لان الصوم مع الصلاة تهز جبال و انتوا جربتوا و شفتوا بعينيكم

[magy]

ارشادات حلوة جدااااااا قبل بدء الصوم

ربنا ينقي قلوبنا ويساعدنا علي التغيير للأفضل

ربنا يباركك ماري

[نرمين واصف]

غاية في الروعة ياماري
يارب اجعل الأيام المقدسة القادمة وجبات روحية دسمة جدا لتنقلنا الي أشخاص متجددين بعده ونصبح طوع ايديك آمين
صلي من اجلي ياماري ربنايباركك ويبارك حياتك وخدمتك وصحتك

[Ramez5]

موضوع مميز
ميرسى كتير على الإفادة والإستعداد للصوم الكبير

[Ƒ̐ὰ̗đƴ]

موضوع مهم اووى ومميز
ربنا يباركك

[walaa farouk]

ميرسي على الموضوع الجميل والمميز

[Mary Naeem]

شكرا على المرور