القس جوناثان يتساءل ليه فى الفرح منسية وفى الهم مدعية يا كنيسة يا أرثوذكسيه ؟!
كتب القس جوناثان رفعت كاهن كنيسة العذراء والأنبا ونس ببنى مزار في المنيا، على حسابه الشخصي بموقع التواصل الاجتماعي " الفيس بوك " تعليقه حول الأزمة المثيرة حاليا بسبب واقعة رفض الصلاة بالكنيسة الأرثوذكسية على جثامين عروسين بقرية أتليدم بمحافظة المنيا ، وقال : "ليه أفرح كبروتستانتى.. ولما أموت يتصلى عليا أرثوذكسى" . وأضاف: "فى ناس للأسف تحجز كنيسة أرثوذكسية لفرحها وهما مش مؤمن أصلا بالكهنوت أو بفكر الكنيسة ، عموما بس بيعمل كده علشان ده المفروض يحصل وبس مش على اقتناع. طب ليه القسيس البروتوستانت قبل أن يجوزوا بروتوستانت ولما مات قال ماتصلوا عليه أرثوذكسى " . وقال جوناثان : " أنا معنديش مشكلة أن فى حد يتجوز بروتوستانت ويصلى فى البروتستانت..ومايقبلش أفكارى وعقيدتى لأنه حر وكلنا فى الآخر للمسيح ، لكن اللى يضايقنى ان فى وقت الفرح منسية وفى وقت البكاء مدعيه. ليه تجرح فى كنيستى وانت مش منها .. طب انت قابل افكارها ولا مش قابلها .. انت حر فى كل انتمائك .. وبستغرب ان الاقى ناس تخدم فى كنايسنا وفى الآخر مش مقتنعه بينا .. وممكن يبقى خادم ويقول كنيستنا كنيسه فاترة.. طب بتخدم فيها ليه ؟! " . وأكد كاهن كنيسة العذراء أنه لا خلاف لديه مع الطوائف المسيحية الأخرى ، وقال : " أنا معنديش أى مشكلة مع حد من الطوائف بالعكس كلهم حلوين فعلا بس استقر فحتى لا تعوجوا بين الفرقتين .. أنا معاكوا ان ممكن كلمة رفض أب كاهن صلاة على ميت تحس أنها صعبه ومافيش رحمة .. بس احنا مش عارفين كل جوانب الموضوع ، وللأسف فى ناس بتصطاد أى غلطة . واختتم جوناثان حديثه بتوجيه سؤال : " ليه فى الفرح منسية وفى الهم مدعية يا كنيسة يا أرثوذكسيه ؟! " .
هذا الخبر منقول من : البوابه نيوز
29 - 01 - 2016, 02:34 PM
العرض العادي
