انا عارفة ان الاغانى غلط بس بصراحة مس مقتنعة خصوصا ان فى اغانى كويسة فيها فرحة وفيها امل نفسى اقتنع بصراحة !!!
ده سوال كلنا بنساله والسؤال ده اتعرض على ابونا بولس جورج وكانت اجابته ...
شوفى يابنتى مفيش حاجة فى المطلق اسمها صح اوغلط مثلا لو قلنا السينما غلط طيب لما جه فيلم الام المسيح نشوفه ولا منشوفوش ؟؟؟؟
يبقى احنا بنخاف من الاثر مش من الشىء نفسه يعنى مثلا لما تكون اغنية وطنية او حاجة مفرحة فيها معنى سامى
يبقى مفيش مشكلة اننا نقولها او نسمعها
دى مش خطية طيب فين المشكلة ؟
المشكلة ان لو الاغانى اخدت كل تفكيرى ووقتى لدرجة انى اصبحت مستغرق فى فلان نزل البوم وفلان هيعمل وهيقول الحقيقة الحالة دى بشكل عام لا تتفق مع كونك شخص روحاني خصوصا ان كثير من الاغانى بشكل عام تثير مشاعر فى النفس خصوصا ان كانت تتحدث عن العاطفة والخيال المرتبط بكلام الاغنية ولحنها ودى حاجات هتثير مشاعرى بشكل غلط
زمان سمعنا سيد درويش بيغنى للفلاحين ...والعمال..والصنايعية دى مكنش فيها مشكلة وبالتالى مفيش حاجة غلط فى المطلق واخر واهم نقطة مش هقولك بلاش لان المنع هيخليكى تعندى وتبعدى اكثر انا عاوز اقنعك وعاوزك تشبعى بربنا وقتها مش هتدورى ولا تحتاجى تسمعى حاجة تانية
