انا مش رايح قداسات تانى"قرار غريب جدا"

[أسامة سمير]

انا مش رايح قداسات تانى"قرار غريب جدا"

+ إنسان ذهب الى أب اعترافه وقال له بالحرف الواحد وبكل صراحة "أنا مش رايح قداسات تانى"

فقال له أبونا ليه كدا يا ابني ؟ فقال له بصراحة أنا لما بحضر قداسات فى الحان وصلوات كتيرة باللغة القبطية ومش بفهمها فانا قررت أنى مش رايح احضر قداسات فى الكنيسة وهصلى فى البيت , فنظر إليه أبيه الروحى بابتسامه وقال له أنا هاجى عندك فى البيت انهارده وهناقشك فى الموضوع ده , طبعا ابونا حب يعطى ابنه دراساً عملياً لكى يقتنع

+ فى المساء ذهب ابونا لهذا الإنسان ودخل شقته وطلب منه أن يدخلا فى حجرة لوحدهما لكى يصلوا معاً فدخلا الحجرة وأغلق الباب فطلب أبونا من هذا الإنسان ان يشغل موسيقى لأحد الترانيم المؤثرة "موسيقى فقط بدون كلام" فشغل هذا الإنسان موسيقى لأحدى الترانيم

+ فبدا أبونا وهذا الرجل يصليا معاً وفى أخر الصلاة ,قال أبونا لهذا الرجل إيه رأيك فى هذه الصلاة وهى تحت تأثير هذه الموسيقى المؤثرة والمملوءة خشوع قال له هذا الرجل فعلا كان للموسيقى تأثير كبير فى أن أصلى بخشوع ومهابة وبتأثير وعمق بسبب هذه الموسيقى المملوءة بالخشوع والجو الروحى

+ فقال له ابونا وهل تفهم فى الموسيقى او السلم الموسيقى او النوتة الموسيقية ؟ فقال له لا ,, فرد ابونا وقال وبالرغم من عدم فهمك للموسيقى لكن استفدت منها وصليت صلاة عميقة وبخشوع وروحانيه, فقال له الرجل نعم يا ابى الكاهن

+ وهنا بدأ ابونا يوضح له الأمر ويقول له لو انك فى الكنيسة لا تفهم بعض الألحان والصلوات باللغة القبطية ولكن ممكن ان تستغل تأثيرها الروحى عليك وترفع قلبك وفكرك ومشاعرك لله وتقدم له صلاة خاصة مملوءة بالمشاعر والخشوع والروحانية

+ وفى الصلوات التى باللغة العربية اشترك مع الكنيسة فى ترديدها بفهم وعمق وتأمل

وبعدين الكنيسة حلت هذه المشكلة بعدة حلول منها:

1- أصدرت الكنيسة خولاجى يحتوى على صلوات القداس باللغة العربية وباللغة القبطية المعربة يمكنك اقتناءه والصلاة به فى الكنيسة

2- على الموبيل بينزل برنامج الخولاجى وبه الصلاة بالعربى والقبطى المعرب

3- يوجد فى اغلب الكنائس شاشات ودائرة تليفزيونية تعرض صلوات القداس باللغة العربية ومقابلها اللغة القبطية المعربة

+ يعنى انت بلا عذر وكيف لا تذهب لحضور القداسات فى الكنيسة فكيف تتناول ؟؟

+ فخجل هذا الإنسان وطلب من ابونا ان يسامحه ويصلى من اجله وقرر ان يذهب للكنيسة لحضور القداسات ومعه كتاب الخولاجى الذى به صلاة القداس باللغة العربية والقبطى المعرب

+اخيرا اذكرونى فى صلواتكم كثيرا واتمنى ان تكون الموضوعات التى اقدمها لكم بنعمة المسيح تكون مفيدة ولها ثمر روحى

بنعمة المسيح

تأملات اغنسطس اسامة سمير

[walaa farouk]

حلوووووة اوى يا اسامة ربنا يبارك عمل ايدك

[nasser]

موضوع مهم جداً جداً
ربنا يبارك خدمتك يا أستاذ أسامة

[Ramez5]

ميرسى على الموضوع المميز
ربنا يبارك خدمتك

[sama smsma]

موضوع مهم جدا ونشكر ربنا انه بيقدم حلول كتيرة علشان مانبعدش عن الكنيسة
ياريت مانعقدش اى حاجة كدة

[Ƒ̐ὰ̗đƴ]

جميل جدا الموضوع ومهم
ربنا يباركك

[Mary Naeem]

ربنا يبارك خدمتك يا أستاذ أسامة

[marit jesus]

جميلة ومفيدةجدا القصة دى ربنا يبارك خدمتك يااستاذ اسامة

[magdy-f]

تأمل وقصة رائعة
ربنا يباركك

[أسامة سمير]

اشكركم جميعا لاهتمامكم وردودكم الرقيقة على هذا الموضوع
اذكرونى فى صلواتكم