إفرامية للمرتدين
كم مرتبة وكم نوع في الألوهة؟
لاهوت درجة أولى، ودرجة ثانية، ودرجة ثالثة،
ولَّا لاهوت واحد غير منقسم؟
يا اللي بتنفي حلول الله فينا،
وشاطر قوي باللعب بالألفاظ
انت عاوز ترجَّعه تاني كلمة ولفظ؟
اللاهوت يحل (بصيغة المضارع) في يسوع جسدياً
وبعدها وأنتم مملوؤن فيه (كولوسي 2 : 9-10)
ليه بتنكر حلول يسوع فينا بكل حيلة
هو الابن الأزلي تنازل ليرفعنا
هو خالق، أخذ إنسانيتنا المخلوقة
ولما بنتألِّه نبقى زي إنسانيته
اللي ملهاش حياة بدون الاتحاد الأقنومي
يا فاهم إيمانك منين جالك الخلود؟
زي الله العظيم الأبدي (صلاة الصلح)
ولمَّا النعمة تنضاف لأقنومك (شخصك)
يا شاطر وعامل نفسك لاهوتي
الطاقة والقوة هيَّ استعلانات الحلول
الطاقة والقوة تحولنا لمجد يسوع
رجعته للجسد والدم بدون اللاهوت
واتحجزت يا شاطر في الناسوت
طيب دا دي هيَّ القوة والقدرة
عاوز الجسد بس، تبقى أريوسي
طيب يا فالح، سبقك مقدونيوس
ارجع للارثوذكسية، وصحح كل أخطائك
د. جورج حبيب بباوي
