هموم الحياة

[الباكى]

هموم الحياه

هل فعلا ربنا حاسس بى هو شايف اللى انا فيه

هموم الحياة تلطش فيه من كل ناحيه انت فين يارب

طيب اروح لمين غيرك وانت عندك كل الحلول

طيب لو عندك الحلول انت ليه ساكت

انا تعبانه يارب وتعبت اتخنقت من كله حاجه

لما بنواجه مشكله او ازمه ازاى اواجها

وعشان اواجها لابد ان اسأل نفسى 3 اسئله

1ـ هل انا واثق فى ربنا ولا لأ ؟

2 ـ هل عينى على ربنا ولا على المشكله ؟

3ـ هل انا راضى ولا لأ ؟

اولا : الثقه فى ربنا

فى انجيل مرقس الاصاح 4السيد المسيح كان نائم فى السفينه

ــ وفاكرينه انه هو نائم مش واخد باله مش حاسس بى

ــ انت نائم وانا متبدهدل فى الدنيا فقر حوجه

مشاكل عيال مشاكل زوج

ــ انت فين يارب انت ناسينى انت نايم

ازاى ينام وهو مدبر الكون كله

وداود بيقول "لَا يَنْعَسُ وَلَا يَنَامُ" (مزمور 4)

ـــ رسالة بطرس الاولى 5 :7

مُلْقِينَ كُلَّ هَمِّكُمْ عَلَيْهِ لأَنَّهُ هُوَ يَعْتَنِي بِكُمْ

شايل الهم ليه دا المسيح اطعم

ــ خمسة الاف من خمس خبزات واربعة الاف من سبع خبزات

من غير احد يقول له انا جعان لكن حاسس بيهم

ــ دا راجل بقى له 38 مشلول لم يسأل فيه احد ولا طلب المسيح لكن ربنا حاس به

ــ المفلوج اللى نزله اربع رجال من السقف لم ينطق كلمه لكن ربنا حاس به

ثانيا اين عينى ؟

فى انجيل متى 14السيد المسيح اتى ماشى على البحر

ــ يسوع بيكون معنا حتى لو تأخر شويه

بس احنا من شدة قلقنا نشعر انه خيال

مش هو يقول لك متخافش انا معك

دا وعد بكدا انا معكم كل الايام كل الايام من اول السنه لاخرها

وهو قلت ادعونى فى وقت الضيق انقذك

ولما بطرس كان عينه على ربنا ماخفش ونزل ومشى على البحر

ولكن لما نظر الى الريح والبحر بدا يغرق

واحنا كدا خلى عينك عليه ولاتنظر الى المشكله وقول هو عارف وشايف

دا ابويا

ثانيا : القناعه

ــ انت راضى على اللى ربنا معطيه لك ولا باصص لغيرك

ــ انت شاكر على خيره عليك رغم ان غيرك عايش احسن منك

[emy gogo]

مشاركة جميلة
ربنا يبارك خدمتك

[الباكى]

ربنا يبارك حياتك ويحافظ عليك
شكرا على تشجيعك

[بيدو توما]

موضوع جميل ورائع جداً
شكراً جزيلاً أخي العزيز للمشاركة الجميلة
تحياتي وأحترامي والرب معك يباركك ويبارك حياتك وأعمالك وخدمتك
المباركة ربنا يفرح قلبك ويفيض عليك بنعمه الغنية وسلامه العظيم ومحبته الدائمة...
والمجد لربنا يسوع المسيح دائماً..وأبداً..آمين