اليوم الاحد .......
الناس كلها فى الكنيسه . الكل بيصلى ....
والوعظه أبتدأت .....
الشماس هو اللى ها يقول الوعظه .
وبدأت ......
كيف تكون مسيحى حقيقى !!!!!!!!!!
وبدأ الشماس فى الكلام . صوت جهورى . وكلام مقنع . وأيات من الأنجيل كشواهد . وعظه خطيرة . فعلا متمكن الشماس . الناس كلها كانت بتسمع بتركيز عجيب .
وأختتم الوعظه بقوله . الانسان المسيحى الحقيقى . لو مشى فى الشارع ومن غير ما يتكلم . الناس كلها بتعرف أنه مسيحى .
كل واحد لازم يكون بيمثل السيد المسيح ونبتعد عن مشابهة أهل العصر .
صدقونى لولا الملامة كانت الناس صفقت ليه . ده كلام كبير جداّ .
وانتهى القداس والكل بينصرف فى هدوء وسلام . لكن .....لكن .......لكن ...... فيه شاب ناسى نفسه . وبيتكلم ويضحك مع الكل . ورايح جاى فى الكنيسه . وناسى نفسه خالص . ويكلم البنات . ويهرج مع الشباب .
هنا الشماس أقترب منه وقال:
*** أهلا بالأخ الكريم .
*** أهلا بيك يا شماس ..
*** انت سمعت الوعظه اليوم ...؟؟؟؟؟؟
*** لا للأسف لم أسمع شىء ...
*** أزاى أنا كنت شايفك قاعد قدامى فى الصف التانى ...
*** أه فعلا بس اللى بيقعد هنا مش بيسمع اللى بيتقال .
*** ده لغز ده ولا بتحب تضحك معى ..
*** لا لغز ولا حاجة
أقعد مكانى وأنا ها أطلع مكانك أتكلم وشوف لو قدرت تسمع منى كلمة
وذهب الشاب ممسكا الميكروفون وجلس الشماس فى الصف الثانى فى نفس المكان اللى الشاب كان جالس فيه . وهنا بدأ الشاب فى الكلام .
لازم الانسان المسيحى الكل يعرفه أنه مسيحى من غير ما حتى يتكلم . لازم نكون قدوة . ولا أيه رأيك يا شماس فى الأخ اللى قدامى الأن !!!!!!!!!!! بيسهر الليل كله على الفيس بوك يكلم البنات .ياترى دى صفات مسيحية وقدوة للأخرين ؟؟؟؟
هنا صاح الشماس وقال .
فعلا يا أخى أنا مش سامع حاجة هنا !!!!!!!
وأستدار للخروج من الكنيسه . وهنا صاح الشاب .
أنتظر عايز أختم وعظتى يا شماس .
فاقد الشىء لا يعطيه ولا أيه رأيك فى كلام الناس ؟؟؟؟؟؟؟
