|
 |
 |
 |
|
رقم المشاركة : ( 1 )
03 - 04 - 2014, 12:40 PM
|
|||||||||||
|
|||||||||||
|
بتكلم عن بنوتي حبيبتي
وطبعا برضو مش بتكلم عن ضرب جامد بس الواحد فعلا مش بيعرف يتحكم في اعصابه حتي ولو ضربه بسيطه بنتي بقا كانت تعمل لما اضربها كده كانت فورا ورد فعل تلقائي خارج من النخاع الشوكي عدل كانت تبوس ايدي تبوس الايد اللي ضربتها الحركه دي كانت بتقطعني بتموتني اقوم اخدها في حضني واعتذر لها طب كان ليه من الاول مانمسك اعصابنا احسن لاحظت نفس الموضوع في ابني الصغنون عنده سنه و8 شهور لو نهرته او زعقتله علي حاجه يحدفلي بوسه ع الهوا عارفين ليه عشان ولادنا عندهم فطره جميله فطرة الحنان والحب مايعرفوش القسوه احنا اللي بنعلمهالهم علي فكره لو ابنك كان بيقابل قسوتك بحب وانتي ماتراجعتيش واستمريتي في القسوه خلاص واحده واحده هو كمان حنيته هتموت وتتحول لقسوه طبيعي لو شوفتي اي طفل بيتضرب هيصعب عليكي اومال ليه بنضرب ولادنا مع انهم اغلي حد عندنا عشان مش بنشوف نفسنا واحنا بنضرب انا شوفت امثله في العائله لامهات كانت بتضرب ولادها كانت دي وسيلة التربيه الوحيده عندها النتيجه ايه تفتكروا ؟؟؟؟ جرعة الضرب بقت بتزيد يوم عن يوم لان الولاد اصبحوا مش بيحسوا بالضرب البسيط للأسف ولادها الاتنين غير سويين نفسيا هي الام نفسها دخلت المستشفي بمبادئ جلطه وهي عندها 35 سنه تفتكروا هي عاشت حياتها صح واستمعت بحياتها واستمتعت بولادها ولما تقابل ربنا وتتسأل علي الامانه اللي هاديهالها هتكون أدت الامانه فعلا ؟؟ لا اعتقد ذلك ابراهيم الفقي كان بيقول اللي بتبعته في الدنيا بيلف ويرجعلك من نفس النوع يعني لما تغرقي ولادك عطف وحنان من دلوقتي هيلف يلف وتلف الايام وهما يكبروا وانتي تعجزي ويرجعوا يغرقوكي من نفس العطف والحنان بتاعك خدي قرار جااااااااد وحاااااااااازم مش هضرب تاني مش هتعصب تاني هقابل غلط ولادي بكلمة " بحبك " عشان بحبك ماتعملش كده تاني لو بتحب ماما ماتعملش كده تاني لو بتحب بيتنا ماتبوظشي حاجه فيه اشبعيهم من كلمة بحبك ومن الحنان والاحضان والعب معاهم وربنا يعطينا انى نربى اولادنا صح ونشبعهم من الحب والحنان ربنا يحافظ ويبارك ولادنا 
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| انت الي بتأدبني من غير ما تموتني |
العرض العادي
