معجزات حبيبي الانبا كاراس السائح

[بنت معلم الاجيال]

أنا اسمي وداد وجوزي اسمه لوقا معانا بنت اسمها مريم وفوجئنا ان فيه حمل بدون ترتيب وكنت اخدت ادويه كتيره جدا بسبب دور التهاب رئوي وانا معرفش ان فيه حمل وكل الدكاتره قالت ادويه خطيره هتعمل تشوهات جامده للجنين وكانت فيه ناس تقول اننا نتخلص احسن من الحمل ده - كانت فتره صعبه جدا جدا وكنا نصلي بالدموع ان ربنا مايسمحش بالتجربه الصعبه دي - واتشفعنا بالانبا كاراس قبل ما نعرف نوع الجنين وقلنا لو جه ولد هنسميه كاراس وجلنا كاراس زي القمر مافيهوش اي حاجه وحشه وهو عمره دلوقتي 6 شهور وكل اللي يشوفه يمجد ربنا ويتشفع بالانبا كاراس
بركة صلواته تكون معنا

[بنت معلم الاجيال]

اسوان – كوم امبو
أنا طالبة في كلية الصيدلة جامعة أسيوط بالفرقة الثانية وفي أثناء امتحانات أعمال
السنه قالولي ان بابا تعبان فسافرت على طول إلى بلدتي أسوان وهناك عندما وصلت
أخبروني أن بابا أنتقل خلاص وما بالكم أني في يوم وليلة أعرف خبر زي كده وأنا كنت
سايبه أبويا كويس قبل ما أسافر المهم كانت حالتي
وحشه خالص وبعد ثلاثة أيام رجعت أسيوط وتبدأ معجزة الأنبا كاراس معايا أثناء هذه
الثلاثة أيام كان عندي إمتحان وكان القسم متعصب جداً . فالبنات أصحابي صلوا وأنا
كنت باطلب الأنبا كاراس والقديس الشهيد أبسخيرون القليني إن رئيسة القسم ترضى
تأجلي الأمتحان وأمتحن لوحدي لما أرجع وفعلاً رضيت بكل بساطة وهدوء وتفهمت الموقف
وأجلت ليّ الامتحان ولما رجعت امتحنت وسألتني أسئلة سهلة جداً على العلم بأن نفس
الإمتحان الذي امتحنه أصدقائي كان صعب جداً وأنا لو كنت أمتحنته عمري ما كنت
هحل فيه أي حاجه . والحمد لله الدكتورة اللي إمتحنتني لوحدي كانت متعاطفه معايا
خالص وسألتني أسئلة سهلة جداً في خمس دقائق وقالتلي ياللا إتفضلي ربنا معاكي ..
طبعاً ده كله بشفاعة حبيبي أنبا كاراس .
وللأسف بعد كده مكنتش عارفه أذاكر خالص وكنت دايماً بطلب أنبا كاراس وفي أول
إمتحان من إمتحانات الفصل الدراسي الأول للأسف جه صعب جداً ومكنتش عارفه أحل
أي حاجه يعني حتى ميجبش درجة النجاح فطلعت منهارة خالص وواثقة ومتأكده إني
مش ها نجح في المادة ديوالحمد لله خلصت باقي الامتحانات على خير وفي أثناء إنتظاري للنتيجة كان نفسي
خالص أروح كنيسة الأنبا كاراس بديروط ومكنتش لاقيه حد يعرف الطريق ليها من
أسيوط لغاية ما فجأة إتصلت بواحده صحبتي وقلتلها أنا نفسي أروح الأنبا كاراس
قالتلي خلاص ماشي ومكناش أحنا الأثنين عارفين الطريق وكان أول مره نروحها لكن بجد
إتسهلت بطريقة غير عادية خالص وزرنا الكنيسة بسلام ورجعنا وكأن الأنبا كاراس كان
حارسنا .
المهم قعدت أصلي وأقول يا أنبا كاراس نجحني في الماده دي وبصراحة كنت ساعات بشك
في أنه ممكن يعديني صافي طبعاً ده على حد تفكيري البشري المحدود وإذ بي أفاجأ يوم
النتيجة إني ناجحة في الماده دي أشكرك يا حبيبي يا أنبا كاراس بجد أشكرك .

[بنت معلم الاجيال]

اسمحولى اقولكم فليتمجد الله في قديسيه
دى حكايه حصلت مع حد اعرفه انا شخصيا كويس اوى

الطفل كاراس اتولد تعبان جداااااا صعوبه بالتنفس وحالته كانت سيئه لغايه لدرجه انه كان ميئوس من حالته انه يكمل ايام ويموت وبعدها كمان جاتله الصفرا بنسبه عاليه وكانوا اهله بيرحوا يزروه كل يوم فى الحضانه الدكتور يقولهم مفيش اى تقدم وهيحتاج لرسم قلب واشعه ايكو للقلب لاننا شاكين انه يكون ثقب بالقلب لكن الله دايما ينظر الى عيون اولاده المليانه بدموع والنهارده ذهب والده للمستشفي ليتابع حالته مع دكتور الحضانه كعادته يوميا وفى المستشفي قابل اتنين رهبااااان فاسرع ناحيتهم وقال لواحد فيهم يا ابونا صلي لكاراس رد عليه وقاله يا ابنى انا كاراس متخافش وطمنه وقاله هيبقي كويس وابقي طمنى اما الراهب التانى لم يتكلم وبعدها مش لاقاهم تانى طلع الاب للدكتور ف الحضانه عشان يتابع حاله كاراس فوجىء بالدكتور بيقوله تعالى بكرة خد كاراس قاله الاب ازاااااااااااى ؟ رد الدكتور وقاله هو كان لغايه النهارده الصبح حالته غير مستقرة وعنده صعوبه شديده بالتنفس وحطينه ع جهاز الاكسجين لكن انا مش عارف هو بقي كويس جداااااااااا تقدر تستلمه ويروح معاك
فليتمجد الله في قديسيه دى نتيجه الصلاه بايمان والتشفع بامنا العدرا وحبيب المسيح الانبا كاراس
شفاعتهم تكون معانا اميييييييين

[بنت معلم الاجيال]

الانبا كاراس عمل معى معجزه انجب ابنى كاراس بعد اربع سنوات من العذاب والالم
تزوجت 6/5/2001 ومرت اربع سنوات لم يحدث حمل سوي مرتين وكان لايستمر اكثر من اربعين يوم كانت حالة زوجتى النفسية سيئةجدا خصوصا ان كل من تزوج معنا في نفس الفترة انجبوا وكلهم اصدقائنا المهم تحولت حياتنا الى جحيم مع ان ربنا كل شهر يبعتلنا تعزية ككلمة من راهب او صورة لقديس وكان كل شهر نتشفع بقديس ولكن لاجدوي وكانت حماتى دائمة الصلاة لاجلنا وكانت تتشفع بام النور دائما حتى انه رات صورتهاتبتسم وكأنا تقول حاضر وهذا قبل الحمل بشهرين.
ثم جاءت معجزه الانبا كاراس حيث يوجد لدينا كاهن يحب الانبا كاراس جدا وعمل معه معجزة ودائما يذكره في المجمع فسألني ايه الاخبار قلتله لسه قال اتشفع بالانبا كاراس و هايحصل قلتله اي حاجة ياابونا وكان معاه صوره صغيرة له ادهاني اخذت الصورة ودخلت الشقة ومش فى دماغى فشميت ريحة بخور جامدة فقلت لمراتى انت مولعة بخور قالت لا فتذكرت الانبا كاراس انه دخل شقتنا وفى نفس الشهر جاء كاراس وسنه الان سنتان.

[بنت معلم الاجيال]

معجزة للقديس الأنبـــــا كــــــاراس السائح

بدات معرفتى القديس الانبا كاراس حينما كنت بالفرقة الثالثة بكلية الصيدلة وبالتحديد فى الترم التانى كان عندنا مادة اسمها trib وهذة المادة من المعروف انها لا تزاكر الا فى الاسبوع الى قبل الامتحان وكنت متخوة جدا منها لانى لا استطيع ان اذاكر اى شئ جديد قبل الامتحان واخذت الانبا كاراس شفيع لهذا المادة وقبل الامتحان اذا اجد احد اصدقائى بالسكن معها كتاب الانبا كاراس فقالت لى خذية وفرحت جدا بيه واستريحت وجاء الامتحان وكان كويس وياتى يوم ظهور النتيجة واحصل على تقدير جبد فى هذة المادة وكان تقدير السنة كلها جيد وان معروف ان السنة دى من اعب السنين فى الكلية
المعجزة التانية : فى سنة رابعة اخذت الانبا كاراس شفيع لمادة اسمها صيدلة صناعية وهذة المادة كان اول مرة ندرسها وكنت خايفة جدا منها والمادة عبارة عن جزء نظرى وجزء رسومات للاجهزة وكانت اهم حاجة الاجهزة فجاءت ليلة الامتحان وكان فية رسمة مش قادرة احفظها خالص رغم سهولتها لكنى قولت مش هزاكرها وجاء يوم الامتحان صباحا واذا افاجا بها فى ورقة الامتحان وكان مطلوب رسمها رغم ذلك خرجت من الامتحان منهارة لان الامتحان كن صعب وكنت مذاكرة الفروع عليها درجات قليلة جدا وكان صعبان على تعب السنة كلها فى المادة لكن قلت ياانبا كاراس دى مادتك وانت تتصرف فيها وفى يوم من الايام قبل الامتحان اخر مادة اسمع بصوت فى اذنى بيقول لى قومى حطى ورقة الامتحان فى كتاب الانبا كاراس فقمت على الفور ووجدت ورقة الامتحان امامى رغم لنها ممكن تكون ضاعت او رمتها ووضعتها فى كتاب الانبا كاراس وجاء يوم النتيجة وطلعت صافى ونجحت فى المادة الانبا كاراس رغم خوفى الشديد منها فشكرت ربنا وشفيعى الانبا كاراس وبركة تكون معنا امين