معجزة حصل معى فعلا (منقولة)

[بنت معلم الاجيال]

صباح الخير اخواتى النهارده حابه اعرض معجزة حصلت معايا


اشكر حبيبى وشفيع عمرى البابا كيرلس على المعجزة للى عملها معايا
اللى حصل انى عندما كنت فى الثانوية العامة التى دخلتها ولم ارغبها ولكنها رغبة اهلى فعندما كنت فى الصف التانى كنت قسم علمى وكانت اكتر مادة كرهتها الكيمياء وهذا بسبب المدرس لانى لم استطع تفهمها وايضا كنت اكره مادة الرياضيات وعدى اول ترم وكنت اشترك فى خدمات للكنيسة "كورال ,مسرحيات ,تنظيم وترتيب"ولم اهتم بدروسى ولكنى كنت اعتمد على الدروس الخصوصية وعندما جاء شهر مايو "5" ولم يتبقى سوى شهر على الامتحانات لم استطع مذاكرة وتقفيل المواد "الكيمياء و الرياضيات" وكنت كلما اذاكرهما لم افهم شئ وافضل ابكى واقطع فى الكتب والاوراق وفى ليلة كنت نايمة وحلمت ان البابا كيرلس جاء فى لجنة الامتحان بتاع الرياضيات وانى اجلس فى الديسك الاخير وجلس معى على الديسك واخد الورقة وفضل يقولى اكتبى الاجابات للى هقولها وفضلت اكتب وعند اخر سؤال وقف ومشى وفضلت اندة علية " استنى اخر سؤال متمشيش وتسيبنى حلة وبعدين امشى " بس مشى وصحيت على صوت امى قالتلى انتى حلمتى بالبابا كيرلس وحكيتلها كانت وبعدين عدى الشهر وجاءت الامتحانات ولكن عند مادة الرياضيات والكيمياءكنتواثقة ان ى حنزل فيهم المهم الغريب بقى اللى حصل فى لجنة الامتحان بتاع الرياضيات
فانى وجدت نفسى فعلا اجلس فى الديسك الاخير
مسكت الورقة وفضلت احل ولكنع ند اخر سؤال فى الجبر وكان "متتابعات "فلم استطيع حلها فتركتة وفضلت اراجع ولكن رجعت لة تانى عندما كنت افكر فية حسيت انى فى شخص حط ايدة على دراعى حسيت برعشة نظرت حولى لان المراقب كان بيجلس بجوارى للمراقبة ولكنى وجدتة يقف اول الباب وعندما حدث ذلك كان يوجد معى مقلمة حديد يوجد بها زيت البابا كيرلس وصورة وقلم لية بعدها على طول بثوانى حليت السؤال كلة
كما اننى وقت النتيجة وجدت نفسى حصلت على دجة جميلة فى الرياضيات والكيمياءكمان ودخلت الكلية
اشكر حبيبى البابا كيرلس لانة واقف مع اولادة وبناتة
اذكرونى فى صلواتكم

سامحونى طولت عليكم كتير