صيام اخر زمن

[ابن القديس اباسخيرون]

صحيت الصبح عملت النسكافيه بتاعى و حطيت عليه تمام معلقة كريمر " مبيض القهوه "
و رحت عملتلى سندوتشين جبنه صيامى و ﻻقيت كمان ﻻنشون صيامى
خلصت و حبيت احلى بقى
اكلت واحدة شيكولاته صيامى
كل ده حصل
فى يوم من ايام صوم الميلاد المقدس
سرحت و افتكرت زمان لما كنت صغير
الصوم بالنسبه ليا كان صوم بجد
فول و عدس و قداسات
و سألت نفسى هو اللى أنا فيه ده صوم بجد
و ﻻ صيام اخر زمن ؟
انتوا بقى ايه رايكم فى الحاجات الصيامى اللى ماليه البيت عندى
؟؟؟
بقلمى

[اوفا]

الصوم كااااااااااان زمان الصوم اللى بجد
ايام ابائنا الرهبان اللى بتصوم على اكل
الفول والعيش الناشف احنا دلوقتى عاوزين كل حاجة بالساهل

[كاتى]

ميرسى كتير لموضوعك الجميل
بس انا بصراحه لحد دلوقتى عمرى مجبت حاجه من دى صيامى غير النسكافيه
بس دى مكتوب عليها كريمه مبيضه

بس للاسف فده كله الجبنه والنشون والشكولاته
دلوقتى تلاقيه فى الدير
طيب انا عندى سؤال
مش المفروض انى الكنيسه بتعلمنا اننا نصيم عن حاجات كتير ولى فينا حد حابب حاجه او بيشتيهها ميأكلهاش
طيب ازاى الكنيسه نفسها تبيع حاجه زى كده

ياريت لو حد يقدر يجاوبنى

[Mary Naeem]

عندك حق يا جرجس الصيام مبقاش صيام
كل حاجة اتعملت صيام حتى الانشون اللبن
والحلويات والجاتوة
كله

[Ebn Barbara]

انت نسيت اللحمه الصيامي ولا ايه
ههههههههههههه
الله يرحم ايام زمااااااااااان

[بيدو توما]

موضوع جميل ورائع أخي الحبيب
الحديث عن الصوم من الأحاديث التي لها حساسية خاصة بسبب الترتيبات
البشرية الكثيرة والمتنوعة التي أحاطت بهذا التعليم، وكثرة التعاليم والتقاليد
البشرية عن الصوم حجبت الحق الكتابي بشأن هذا التعليم، وكثرة التعاليم
الطائفية التي مزجت ...الحق الكتابي بأشياء أخرى كثيرة لا علاقة لها من قريب أو
من بعيد بذلك الحق. لذا يصير من المهم جداً أن نتدارس ما ورد في كلمة الله عن الصوم،
حتى ننقي ونصحح ممارساتنا التعبدية من كل ما يعلق بها من تعليم بشري.
موضوع طويل...ولاكن أود أن أقول آخر شيء هو
أذ كنا صيام يجب أن نعيش يوم الصوم كله بقداسة مع الله
أذ كنا في البيت أو المدرسة أو العمل
وان كان غير ذالك فلا نتعب انفسنا
لأن الشراكة مع الله تكون ناقصة
شكراً جزيلاً أخي العزيز على الموضوع الجميل جداً
تحياتي وأحترامي والرب معك يباركك ويبارك حياتك وأعمالك وخدمتك
الرائعة والمباركة دائماً
وربنا يفرح قلبك بتحقيق أمنياتك في ذكرى الميلاد العظيم لربنا يسوع المسيح
وللسنه الجديدة ويفيض عليك بنعمه الغنية وسلامه العظيم ومحبته الدائمة...
والمجد لربنا القدوس يسوع المسيح
دائماً..وأبداً..آمين

وكل عام وأنت والعائلة الكريمة وأحبائك
بألف خير وفرح وسلام...آمين

[بنتك يايسوع]

لا هو كده فعلا مش صيام
احنا مش بنجيب اى حاجه من الانواع ده خاااااالص
حتى الشيبسي اللى هو المفروض طعم بس زى مثلا بطعم الجبنه او الكباب وغيره
دى برضو مش بنجيبها وبصراحه مش مقتنعه باى حاجه من دي

[بنتك انا]

عندك حق فى حاجات كتير نزلت صيامى مش ناقصة حاجة من الفطارى
بس اللى عايز يصوم عن الحاجات ديه
ونقول ممكن اللى عنده امراض مشبيستحمل الزيوت
ممكن يستخدم
بس كل واحد حسب مقدرته
شجعوا صغار النفوس
وعموما الصيام مش بااكل ولا شرب
الصوم صوم القلب

[Ramez5]

الموقف دة فكرنى .......
كان البابا شنودة معزوم فى الصيام هو ومجموعة أساقفة
وكان الأكل عبارة عن انواع مميزة من الأسماك المحمرة والمشوية
وبطارخ ومكرونة بالبشمل صيامى ولبن صويا صيامى
وكان موجود بالخطأ طبق فية مش ( جبنة قديمة )
فضحك البابا شنودة وقال بقى كل دة صيامي والمش هو اللى فطارى

فعلاً ياريت يكون فى زهد فى الأكل زى زمان فى ايام الصيام

[محتاجه لايدك ياربى]

بصراحة انا لو اكلت الحاجات دى مش هحس انى صايمة
شكرا للموضوع المميز