يلا نصلي

[kerstena]

يلا نصلي
النهاردة في الموضوع ده الساعة 8م

انا كان نفسي بجد ابقى معاكم بس للاسف مش هقدر

ومشاركات الصلاة هتكون هنا في الموضوع ده

متنسوش تذكروني في صلاتكم

[virgen mary]

يارب يسوع نرفع قلوبنا ليك ونطلب منك انك تحل بسلامك فى بلادنا وترحمنا
عاوزين نعرف قصدك ايه يارب من الضيقه اللى احنا بنمر بيها اظهر لينا ارادتك عاوزين نسمع صوتك
دبر يارب امور حياتنا اعطينا سلام وايمان انك فى الوقت المناسب هتتدخل وترفع عنا كل ضيقه
عزى النفوس الحزينه تحنن على المرضى اسكن قلوبنا امسك ايدينا امللك على حياتنا يامللك الملوك

انت الهنا الحنون اللى بنترجاه

محتاجين لمسه شفاء مك يارب

ملناش غيرك

[اوفا]

ياربنا يسوع الحنون كن معانا دبر كل امورنا حياتنا
من فضلك يايسوع تحنن علينا واظهر مشيئتك فى
حياتنا اشفى يارب كل مريض واقف مع اولادك الطلبة
نجحهم وفرحهم وحافظ يارب على كل اخواتنا اللى هنا
فى المنتدى كل واحد بأسمه يايسوع

[الصخره]

الهنا الحى يسوع
ياللى مت بدالنا واتألمت
نشكرك على كل لحظه بتمر من حياتنا وانت بتكون موجود معانا وموجود فينا
نشكرك يارب ان انت بنفسك بتراعينا وبتحمينا وبتحفظنا من كل شر
نسالك يا الهنا ان تحفظنا من الشرير ومن كل اثم ومن كل فكر
وتبارك حياتنا وتفقك ضيقاتنا وضيقه كل متضايق
تشفى امراضنا ومرض كل مريض وحزننا وحزن كل حزين
وتكون مع المسجونين والمظلومين وكل انسان بيطلبك بايمان
كل واحد مننا جواه حاجات كتير نفسه يعملها الحاجات دى انت تعرفه
لو هى للخير ساعده يعملها يارب
وكل واحد مننا جواه ضيقات كتير مضايقاه لو تسمح يارب تشيلها وتفرحه
انا عن نفسى انت عارف طلبى
عاوزك تباركنى وتدينى راحه لانى محتاج ارتاح
حاسس انى تعبان
انا سامع ردك فى ودانى وانت بتقول تعالوا الى يا جميع المتعبين
بس انا بقى بقولك تعالا انت خد تعبى وريحنى يارب
ما انا ابنك برضوا ومن حقى ادلع عليك بجد يارب انا محتاجلك اوى
ومحتاج انك تسامحنى على كل لحظه انا كنت بعيد عنك فيها
الهى
سامحنى
باركنى
طهرنى واعطنى ملكوتك الابدى

[فرونكا]

ربي أنت ملجأي وبرجي الحصين وترسي في وقت الضيق، اتكل عليك واضعاً ثقتي بك لأنك لن تتركني ، أطلبك في سلطانك اسمك وفي حقي فتمد يديك لاحتياجي ، أسبحك ، يا ربي.
يا سيدي أنت ترفع المتضعين ،لذلك أتقوي ويتشجع قلبي مؤسسا نفسي علي البر والتوافق مع إرادتك ونظامك ، حاشا ليأن أفكر حتى في الضغط والدمار لأنني لن أخاف ، حاشا لي أن ارتعب لأنك قريب مني .
يا أبي إن أفكارك وخططك التي أنت متفكر بها عني هي أفكار خير وسلام ، عقلي ثابتفيك ، لأنني لن أسمح لنفسي أن اقلق أو انزعج أو أخاف أو أكون جبانا أو غير مستقر .
أقاومك يا شيطان أنت وجميع أرواح المذلة في اسم يسوع ، أقاوم الخوف والإحباط ،والشفقة ، علي الذات والاكتئاب ، انطق بكلمة الحق في قوة الرب ، ولن أعطيك مكانا ياإبليس .. أنا حر بدم الحمل ..
أشكرك يا أبي أعطيني روح القوة والحبوالهدوء والاتزان ، وأنا أتمتع بالانضباط وأحكم نفسي ، لي ذهن المسيح وراسخ فيأفكار ومشاعر ومقاصد قلبه ، لي اتجاهات ذهنية وروحية متجددة لأنني أتجدد دائماًبروح ذهني بكلمتك يا أبي .
لهذا أتقوي وانتعش واصنع لأرجلي مسالك ثابتة وشريفة، وطرق أمنه ومستقيمة ومبهجة لكي اسلك في الطريق الصحيح ، انهض من الاكتئاب والذلاللذين وضعتني فيهما الظروف ، انهض للحياة المتجددة واستنير ويشرق علي مجد الرب .
أشكرك يا أبي في اسم يسوع لأنني تحررت من كل عمل شرير أمجدك لأن فرح الرب هوقوتي وحصني يارب دوقني حلاوة العيش معاك.

[sama smsma]

نشكرك يارب على كل حال ومن اجل كل حال
نشكرك على عطاياك الصالحة
سامحنا يارب على اى خطية عملناها بارادتنا او بغير ارادتنا
نق قلبنا وفكرنا وابعد عنا كل شر
انت عارف اللى فى قلوبنا واحتياجاتنا من غير ما نطلب منك
نشكرك يارب على ضيقاتنا اللى بتقربنا منك اكتر واكتر وبتنقي قلبنا
اسمع صوت اولادك فى هذة الساعة وكل ساعة
وخفف عنا الامنا وارحمنا
بشفاعة ام النور والبابا كيرلس والبابا شنودة
امين

[ناردين]

امين ربنا يسمع صلواتنا ويستجيبها بحسب مشئته لك المجد يا رب
محتاجينك يا رب لا تتركنا في نصف الطريق اعنا واعن ضعف ايماننا
امممممين

[Mary Naeem]

انت الهنا الحنون اللى بنترجاه

محتاجين لمسه شفاء منك يارب لنفسنا واروحنا قبل اجسامنا

ملناش غيرك

[بنتك انا]

ربى ومخلصى يسوع المسيح
اشكرك يارب فى كل حال ومن اجل كل حال وفى كل حال
اشكرك يارب لانك كنت معايا طول الايام اللى فاتت
كون معايا فى الايام اللى جاية
يارب انت وحدك اللى عارف اللى فيا
ارجوك يارب اتمجد مع كل انسان بعيد عنك
مش انت اللى قالت يارب
السماء تفرح بخاطى واحد يتوب
قدامك يارب شاب كتير ضايعين
واسر وبيوت كاملة
يارب اتمجد انت عارفهم باسماءهم يارب
رجوعهم ليك
يارب اتدخل فى المشاكل بين الناس سود بالمحبة
يارب اى مرض وتعب عن حد شيله يارب
يارب نفسى اكلمك واشكيلك من بعدى عنك
يارب تعبت اتمجد معايا
انا عبدتك الخاطية
ببركة وشفاعة ابونا سمعان الاخميمى اشفى يارب كل مريض اتحنن على ولادك وبناتك
ليس لينا يارب لكن ليتمجد اسمك القدوس
عزى يارب كل حزين
ادى المحتاج
افرج عن المتضيقن
فرح قلوب اولادك وبناتك
امين بشفاعة الست العذراء وجميع مصافى القديسين

[nasser]

ربى يسوع أنت عونى ورجائى وهاأنا بين يديك وأنت تعرف ماهو خير لى فأعنى ولاتتركنى.لاترفضنى لأنى اليك لجأت.ولا تسلمنى الى أعدائى لأنى ضعيف.خلصنى بتحننك.ليخز كل الذين يقومون علىّ لأنك أنت القادر على كل شىء.اجعلنى اهلا لمواعيدك السامية.استرنى من خيالات العدو.هب لى أن أكون هيكلا مقدسا لنعمتك صانعا ارادتك كل حين-انر قلبى ليفهم أقوالك.لك الملك والقوة والمجد الى الأبد أمين.