تعليقا على معلمة قص الشعر .. قراء الوطن يعنى نقص لك شعرك على سبيل المداعبة

[Mary Naeem]

تعليقا على معلمة قص الشعر .. قراء الوطن يعنى نقص لك شعرك على سبيل المداعبة




واقعة إيمان أبو بكر أحمد، مدرسة العلوم المنتقبة التي قامت بقص شعر تلميذتين فى الصف السادس الابتدائي بمدرسة الحدادين الابتدائية غرب الأقصر، لعدم ارتدائهما الحجاب، وتصريح المعلمة لـ"الوطن" بأن واقعة قص الشعر كانت مجرد "مداعبة" للتلميذتين، أثار استياء السواد الأعظم من قراء بوابة "الوطن". وطالبت المدرسة الرئيس محمد مرسى بالتدخل لرفع بالظلم الواقع والذى يهدد مصير أسرتها ويهدد مستقبلها، وأكدت أبو بكر أنها تشعر بمرارة شديدة من كم الإهانات التي تعرضت لها فى وسائل الإعلام بسبب "التناول الخاطئ"، على حسب قولها، للواقعة التي لم تتعد "مداعبة مدرسة مع تلميذاتها". واعترفت أبو بكر أنها أخطئت بقص شعر البنتين، لكنها لم تكن تعلم أن الأمر "سيستغله البعض استغلالا سياسيا لأنها ترتدى النقاب"، برغم عدم انتمائها لأى حزب ديني أو أى جماعة دينية، حسب قولها. كلمة "مداعبة" أثارت حفيظة واستياء قراء "الوطن"، فقالت سمر عز الدين "طيب نقص لك شعرك وبرضه مداعبه"، وتوعد لها فادي معوض فكتب "طيب أنا لما اشوفك هقصلك النقاب على سبيل المداعبة برضه"، وبنبرة يأس قال إسماعيل داوود "احمدى الله إنك فى مصر لأن ده لو تم فى أى دولة محترمة كنت فقدتى وظيفتك نهائيا"، فيما علّق أحمد سليم "يا شيخه أنا لا يكفيني إلا القصاص بقص شعرك أمام الفصل عشان تحترمي آدمية غيرك"، ومن جانبها تساءلت أرميا "طيب افرض كانت عايزة تعاقبها بجد كانت قتلتها ولا ايه؟". استنكرت جودي محمد عبد المنعم عقاب "المعلمة" بخصم شهر فكتبت "لو حصل ده لبنتى اقسم بالله ما هتنازل عن حلق شعرها وبعدين خصم شهر إيه ده بيهزروا". فيما ألقت أسيل سامي اللوم على "المعلمة" عندما تركت التعليم لتناقش الأطفال في فرض الحجاب فكتبت "مداعبة .. هي ليه مش عايزة تفهم إنها غلطت من البداية لما فتحت الموضوع ده مع الطلبة وقالتلهم إنهم لو ما لبسوش الحجاب هاتقصلهم شعرهم وكمان سابت الحصة وقعدت تتكلم معاهم في إنهم يتحجبوا وهاتعاقبهم إزاي ومافيش حصة ولا تعليم، ده بدل ما تعمل اللي عليها وتشوف شغلها. نفسي أفهم دي مدرسة إزاي ربنا يستر على ولادنا". من ناحية أخرى، دار نقاش حاد بين قراء "الوطن"، وذلك بعد أن كتب القارىء أبو عمار طعيمة "كل اللي اتقص من شعر البنتين لا يتجازو السنتيمتر"، ما دعا "ريشة فى هوا" للرد فكتب "حتي لو لم يتجاوز السنتيمتر من أعطى لها الحق لذلك". وبأسلوب حاد رد ماجد عزيز "مش مسألة قص الشعر ..مسألة الرعب اللي الأطفال شافوه لما عرفوا العقاب، عقابك هو حلق الشعر؟، هسألك آخر سوال لو بنتك رجعتلك البيت عشان المدرسة حلقتلها شعرها هتعمل إيه؟ ياريت تجاوب كأب بنته شافت الرعب فى صدمة".