الهي حى ودايمًا يصنع العجائب💜

[walaa farouk]

دايمًا لما بنتكلم عن المعجزات،
بييجي في بالنا المشاهد الكبيرة:
شفاء من مرض مستحيل.
نجاة من حادثة مميتة.
رحم مُغلق يتفتح ويجيب حياة جديدة.

ودول فعلًا معجزات عظيمة تستحق كل الشكر🙏

لكن الحقيقة إن المعجزات مش بس كده…
في معجزات بتحصل جوانا، في قلبنا وروحنا،
وأحيانًا بتكون أكبر من كل المشاهد اللي بنشوفها.
معجزة السلام وسط أحداث تخنق القلب.
معجزة الغفران لشخص جرحنا بعمق.
معجزة التنازل عن حقنا بفرح ورضا.
معجزة النوم ببال مرتاح بعد أيام مليانة قلق وضغط.
معجزة الفرح رغم الألم وقسوة الظروف.
معجزة التحول لما موقف كنا فاكرينه نهاية
يتحول لبداية زمن جديد مليان بركة.

إلهنا مش بس إله المعجزات اللي بتتشاف،
لكنه إله المعجزات اللي بتحس، اللي بتغير القلوب وتبدل الأحوال.
هو كان وما زال يصنع معجزات…
بيشفي، بيسند، بيعضد، وبيفضل حي في حياتنا، النهارده وكل يوم.
الهي حي… ودايمًا يصنع العجائب💜