شبابيــات جريئه (متجدد)

[daughter of king]

ازيــــــــــــــكم يااحلي اخوات
اتمني تكونو كلكم بخيـــــــــــر
انهارده عايزين نستفاد من ارائكم ومشاركاتكم الجميله
في موضوع


الصداقـــــــه وكيفيه اختيار الصديق


كثير منا يعتقد بأنه عندما يتقرب من شخص فلاني بأنه صار صديقه المخلص!!
وكثير منا محتاج لأن يكون لديه صديق حقيقي..
يفهمه، ويعيش حياته، ويتطوع لحل مشاكله، ويحس بأن مشكلة صديقه هي مشكلته الاساسية...

قالوا بالامثال: الصديق وقت الضيق..

ولعلهم أختاروا الضيق كسبب للصداقه، لأن الانسان عندما يعاني من مشكلة تضيق عليه.. لا يحتاج وقتها الا الى أذن تستمع له.. ليفرغ ما بجوفه.. وليرتاح مما هو يعاني منه!!

الصداقه بمعناها الكبير..

هي باب كبير، يدخل من خلاله العديد من الافراد.. تتحدث اليهم جميعا..

وبعد مدة يبدأون بالخروج من الباب مرة أخرى..

ولكن يبقى هناك في آخر مكان داخل الباب شخص او اثنين آثروا الجلوس معك في ذات المكان..

يحبونك ويحبون ان يعيشوا معك باقي عمرهم هنا..

يتلذذوا بالحديث معك، وكل أمانيهم ان يبقوا معا الى آخر العمر..

ومهما دارت الدنيا بظروفها واحكامها ومهما تباعد الاصحاب.. تبقى في قلوبهم ذاك الحنين للقاء مرة أخرى..

وعندما يحين اللقاء.. يكتفي كل منهم بالنظر الى عيني صاحبه دون يتكلموا مع بعضهم

عندما نختار اصدقاؤنا

من المهم جدا ان ندقق فى اختيار اصدقائنا ومن المهم جدا جدا ان نضيف لعلاقتنا ببابا وماما اللذين نحبهما بالطبع , علاقه صداقه حقيقه .
وسأقول لكم لماذا من الضرورى ان نصادق اباءنا وامهاتنا .

اولا : لانهم اقرب البشر الينا كما انه لا يوجد فى الدنيا من يحرص على مصلحتنا اكثر منهم

ثانيا : هم كانوا يوما مثل اعمارنا يعنى ممكن جدا ان يفهموا ما نحس به وما نواجهه من مشاكل وبالتأكيد سوف يكون لديهم تجربه فى الحياة ممكن جدا تعفينا من تجربه مؤلمة

مستنيه اسمع ارائكم ومشاركاتكم الجميله
صلواتكم

[بنتك انا]

الصداقة شى جميل جدا
بس اهم شى
انى اعرف اختار الصديق صح
وايه هى مواصفات الصديق
اختار صديق لازم يكون قريب منى فى مواصفتى
ويكون يكملنى
ولازم يتوفر فيه صفات محبوب مخلص
خادم
وحاجات تانية كتير
ميرسى استاذ هانى وراندا للموضوع ربنا يباركك

[Ebn Barbara]

كلام قوووووووووووووي جدا ياراندا
اختيار الصديق ديه من اصعب الاشياء
ولما نجده بنمسك فيه بادينا وسنانا

[Mina Mandoo]

الصداقه شئ جميل جدا بس اظن انه بقت فى الحكايات و الافلام و الاسطير مش اكتر مفيش حاجه اسمه صديق الصديق الاول و الاخير للانسان بعد ربنا نفسه

[كوكو بنت الملك]

اجمل شىء فى الدنيا الصداقه لما صديقتى تكون معايا من الطفوله فعلا بتبقى شىء جميل

ميرسى على الموضوع الجميل

[حمامة السلام]

بجد بجد موضوع فى منتهى الاهمية والتميز


وفعلا بجد من الصعب
اووووووووووووووووووووى
فى الزمن ده الواحد يكون صداقات وصدقات حقيقية
خصوصا فى مجال المصلحة فوق الجميع
لكن برده الواحد مع الوقت بيكتسب خبرات من خلال التعامل مع الناس ويعرف ازاى يكون عنده اصدقاء
حققين يسندوه فى وقت الشده
كمان بيبان الصديق الحقيقى من المزيف مع اول تجربة تر بيها قدامه وهو معاك
وربنا يدبرلنا حياتنا بجد باختياراته لينا

[Mary Naeem]

الصداقة من اجمل العلاقات
بس للاسف ساعات كتيرة الواحد بيفاجئ ان اقرب صديق إليه باعه عن اول مشكلة حقيقة يواجهوها
للاسف معدتش فيه صداقة حقيقية لأن الصديقي الحقيقي هو إللى يكون معاك على الحلوة والمرة
هو إللى حتى لو انت غلط فيه يجي هو يصلحك
الصديق الحقيقي هو صورة منك يفهمك من نظرة عنيك

شكرا على الموضوع الرائع
ربنا يباركك

[Marina Greiss]

انا مش هعرف ان ديه صديقة بجد ولا ولا
الا فى وقت الشدة
وقت الشدة هى اللى بتبين ان دية صديقة بجد
ولا دية صديقة لمصلحتها

[ميرو]

الصداقة اجمل شئ لو مضايق تتكلم معاة وتفك
بس مع الاسف شئ ناد الصديق اللى يتسما بالاسم الصديق الحقيقى

[كاتى]

الصداقه دى صعبه جداااااااااااا
اوقات الواحد بيكون مضايق وفى مشاكل معاه
وعايزه اتكلم مع حد وكمان ينصحنى فى اصدقاء تكلميهم بس تحس انهم مش فارقه معاهم
وفى اصدقاء يشيلو همك ويفكرو معاكى فى شدتك